Македонија

Креативен ден Битола 2026: Преполна сала, млади таленти и моден спектакл инспириран од филмот (ВИДЕО)

Во преполната сала на Домот на културата во Битола, вчера се одржа петтиот „Креативен ден 2026“ – настан кој уште еднаш потврди дека младите креативци, модата и образованието можат да создадат вистински спектакл.

2 минути за читање

Во преполната сала на Домот на културата во Битола, вчера се одржа петтиот „Креативен ден 2026“ – настан кој уште еднаш потврди дека младите креативци, модата и образованието можат да создадат вистински спектакл.

Во целосна и беспрекорна организација на Продукција Божиловиќ и професорките од текстилната струка при СОУ „Таки Даскало“ – Битола, настанот собра 9 средни училишта од повеќе градови низ државата, меѓу кои Скопје, Битола, Богданци, Штип, Виница и други, обединувајќи ученици, млади дизајнери, професори и љубители на модата на едно место.

Покрај низата инспиративни предавања што за учениците и професорите ги реализираа Катерина Златановска Попова, претседателка на МАТА Скопје, како и модните дизајнери Никола Ефтимов и Стефанија Насеска Поподинец, централно место зазеде модната ревија на која учениците од текстилните училишта се претставија со свои оригинални креации инспирирани од овогодинешната тема – ФИЛМ.

Целиот настан беше реализиран на исклучително професионално ниво, а за впечатливиот сценски изглед на учесниците се погрижија професионални фризери и шминкери, дополнително подигнувајќи го нивото на ревијата.

За првпат беа доделени и специјални награди за посебен придонес во промоцијата на модата, како и благодарници за наставниците-ментори, кои со својата стручност и посветеност беа клучен дел од процесот на создавање.

„Креативен ден 2026“ не беше само моден настан, туку силна порака дека младите во Македонија имаат талент, визија и потенцијал што заслужува простор, поддршка и видливост. Ваквите иницијативи треба да добиваат уште поголема институционална поддршка, бидејќи претставуваат реална можност младите да ја изразат својата креативност, да се инспирираат, да стекнат самодоверба и да ја градат својата кариера и иднина токму тука – во Македонија.

Во време кога младите често ја бараат својата шанса надвор од државата, настани како „Креативен ден“ покажуваат дека вложувањето во нивниот талент, образование и креативна индустрија може да биде важен чекор кон создавање генерации што ќе останат, ќе создаваат и ќе придонесуваат дома.

 

 

Поврзани теми:

актуелно|битола|креативен ден|Креативен ден Битола 2026|моден спекталк

Повеќе на оваа тема:

Најнови вести од: Македонија

Неуспешните обиди на Бугарите да ги спречат Кажимјеж Фелешко и други полски македонисти во меѓународната афирмација на самобитноста на македонскиот јазик

Денес, на 3 јули 2026 година се навршуваат 25 години од смртта на истакнатиот полски славист и македонист Кажимјеж Фелешко, еден од големата низа полски македонисти, кој има дадено драгоцен придонес кон меѓународните студии на македонскиот јазик, третиран како засебен јазик во семејството на јужнословенските јазици. Оваа годишнина е повод за осврнувањето на научното творештво негово, но и на цела една голема низа други исто така истакнати полски македонисти, кои повеќе децении во континуитет се вклучени во студиите за македонскиот јазик, во македонистиката во Полска, а со тоа и во широката меѓународна афирмација за македонскиот јазик. Во овој контекст е посебно за истакнување и една од најголемите полски македонистки и членка на Македонската академија на науки и уметности Зузана Тополинска, која во 2020 година ќе изнесе шокантно сведоштво во интервју за „360 степени“ дека Бугарите ѝ нуделе дури и пари да се откаже од македонистиката и македонскиот јазик. „Бугарите се циркус, поради својата несигурност во врска со поради македонскиот јазик!“ – ќе каже академик Тополинска во тоа свое интервју. Во 2005 година професорката Лилјана Минова – Ѓуркова ќе изнесе уште еден вџашувачки момент: при доделувањето на почесниот докторат на науки на Станислав Гајда, полски филолог и македонист, од страна на Универзитетот УКИМ, Бугарите им упатувале и ултиматуми не само на група македонски македонисти, туку и на самиот Гајда, „да се откажат од Македонците и македонските дијалекти во Бугарија“! Ова Ѓуркова го напишала во соодветно полско списание во статија посветена на доделувањето на почесниот докторат на науки на Гајда, инаку полски филолог-македонист, како и член на Полската академија на науки.    

Ошлис: Македонецот Наум Охридски е европски просветител, но и дипломат, а Европа ако ја изгуби Македонија, набргу ќе се изгуби и саматата себеси! (3)

Големиот германски македонист проф.д-р Волф Ошлис силно ја застапува македонската историска перспектива и нагласува дека дејноста и традицијата на Свети Наум Охридски е дел од македонското јазично-културно и просветителско наследство. Во своите истапувања на Меѓународниот семинар за македонски јазик и култура во Охрид во изминатите години Ошлис ја ја аргументирал повеќе пати својата констатација дека Наум е еден од основноположниците на македонската култура, јазик, религија и наука, без никаква врска со други народи во Балканот. Во својот научен труд со наслов „Македонецот Наум Охридски и Германецот Регино фон Прим како европски дипломати“ Ошлис, дури, го означува македонскиот просветител и како еден од првите и тоа врвни европски дипломати, поради развиените контакти, што ги имал со тогашните владетели и видните личности од нивните царски дворови, во рамки на своето учество во тогашната Моравска мисија на македонските и сесловенски просветители Кирил и Методиј, започната во 863 година меѓу народите во Средна Европа.

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.
Сите вести од Македонија

Најнови вести

To top