Доколку се прифати ставот на лидерот на СДСМ, Венко Филипче, за укинување на каналите Арена М, македонските навивачи во сабота ќе бидат принудени да го следат фудбалскиот натпревар меѓу репрезентацијата на Македонија и Швајцарија со коментар на српски јазик.
Ставот на Филипче, доколку добие поддршка, би значел дека локализираните спортски канали Арена М, кои емитуваат програма на македонски јазик, би биле укинати. Во тој случај, правата за пренос на натпреварите на националната селекција повторно би се емитувале преку регионалните канали со српски коментар, што многу граѓани го доживуваат како чекор назад во однос на јазичната достапност на спортските содржини.
Натпреварот Македонија – Швајцарија е дел од Лигата на нации и претставува важен настан за домашната публика. Прашањето дали ќе се гледа со македонски или српски коментар директно ја тангира јавноста, особено имајќи предвид дека Арена М беше промовирана токму како решение што овозможува следење на спортот на мајчин јазик.
Оваа ситуација повторно го отвора дебатниот простор за тоа дали спортските преноси треба да бидат на македонски јазик и дали одлуките за укинување на такви канали се во интерес на гледачите.
Венко Филипче обвини дека во Македонија се води „хибридна војна“ преку странски медиуми кои, според него, се поврзани со т.н. „српски свет“.
Како користење на македонски јазик наместо српски е дел од бугарската теза за српски свет, Филипче не објаснува.
Лидерот на СДСМ во своите изјави во септември 2026 година директно ги посочи телевизиските канали „Арена Спорт“.
Филипче смета дека овие медиумски ентитети вработуваат луѓе и ги плаќаат во државата, а притоа „Арена не е никаде регистрирана“ и немаат тековна дозвола за работа, туку сигналот се реемитува преку Србија.
Како главна позадина на овие медиумски операции тој го посочи државниот оператор „Телеком Србија“.
Тој најави дека партијата официјално и писмено ќе ги извести највисоките претставници на Европската Унија (вклучувајќи ги Урсула фон дер Лајен и Марта Кос) за молкот на македонската Влада во однос на овие случаи.
Од друга страна, оваа изјава предизвика бројни реакции во јавноста и на социјалните мрежи, каде граѓаните коментираа дека е добро што спортските канали на „Арена“ коментираат на македонски јазик.
Каналите Арена легално се емитуваат преку кабелските оператори во земјава веќе со години вклучувајќи го и периодот кога СДСМ беше на власт,
Утрово на истата тема се разговараше и на Радио Лидер