Премиерот Христијан Мицкоски изјави дека реструктурирањето на партијата ВМРО-ДПМНЕ на ниво на општински комитети и други структури е завршено.
„Горе-долу реструктуирањето е завршено. Станува збор за 30% нови луѓе кои сега добиваат можност да покажат и да работат. Не само за партијата, најважно е да работат за државата“, рече Мицкоски.
Тој додаде дека остануваат уште неколку мали финеси кои ќе се доусогласат во текот на следната недела. Со тоа, покрај новиот состав на Извршниот комитет и новите претседатели на општинските комитети, ќе има освежувања и во другите партиски структури – Унијата на млади сили, Унијата на жени, Унијата на ветерани и Патриотскиот институт.
Мицкоски очекува најдоцна следната недела процесот целосно да биде завршен.