Регион

Еди Рама не дава оставка додека не ја внесе Албанија во ЕУ (ВИДЕО)

Тоа е историска мисија која не може да се напушти на половина пат поради никаква причина, порача албанскиот премиер

2 минути за читање

Албанскиот премиер Еди Рама порача дека нема намера да поднесе оставка и покрај протестите против проектот за луксузен ресорт на југот на земјата кои влегоа во вториот месец, оценувајќи дека неговата влада има јасен мандат од граѓаните да го доврши процесот на пристапување на Албанија во Европската Унија.

Влезот на Албанија во ЕУ е во опасност поради проектот на зетот на Трамп

Според него, причината е едноставна: тој и Социјалистичката партија добиле мандат од 868.000 граѓани за да ја исполнат, како што ја нарече, „историската мисија“ – завршување на преговорите за членство на Албанија во Европската Унија.

„Тоа е историска мисија која не може да се напушти на половина пат поради никаква причина. Уште помалку затоа што дел од граѓаните избрале да протестираат“, изјави Рама за Дојче веле.

Тој оцени дека протестите се показател за демократската зрелост на земјата и нагласи дека владата има обврска да ги слуша пораките што ги испраќаат демонстрантите.

Илјадници граѓани синоќа повторно се собраа на улиците на Тирана, каде по 33. пат се одржа протест со барање за оставка на албанскиот премиер Еди Рама. Демонстрантите најпрво се собраа на плоштадот „Скендербег“, а потоа се упатија кон зградата на Владата, каде организаторите одржаа обраќања.

За разлика од судирите што претходно избувнаа пред албанскиот парламент, вечерниот протест помина главно мирно. Претходно во текот на денот, демонстрантите се обидоа да ги блокираат влезовите и излезите од Собранието и да го спречат заминувањето на службените возила по завршувањето на пленарната седница, по што дојде до судири со полицијата.

Поврзани теми:

избор|ЕДИ Рама|оставка|протести|ЕП|Кушнер|ресорт

Повеќе на оваа тема:

Најнови вести од: Регион

Во Драч уапсени двајца припадници на криминалната група „Беланоца“, барани со меѓународни потерница за убиства и други сторени кривични дела

Во заедничка акција на Македонската полиција, Американската ДСС и безбедносните органи на Албанија, во Драч уапсени се двајца припадници на организираната криминална група „Беланоца“.

Тајани: Силата на Европа зависи од влезот на Западниот Балкан во ЕУ, затоа Италија ја претставува неформалната група „Пријатели на Западен Балкан“

Политичката сила на нашиот континент во наредните децении ќе зависи од влезот на земјите од Западен Балкан во Европската Унија, порачува италијанскиот вицепремиер и министер за надворешни работи и меѓународна соработка на Италија Антонио Тајани, во својата најнова колумна. Според него, многу кратковидо и погубно е да се одложува пристапувањето на земјите од Западниот Балкан кон ЕУ Затоа Италија ја промовира неформалната група „Пријатели на Западен Балкан“, која ги обединува земјите-членки кои се најрешителни да го задржат европското внимание кон овој регион на високо ниво, истакнува Тајани.

Во Љубљана протест за излегување на Словенија од НАТО

Демонстрантите носеа транспаренти на кои пишуваше „Израелхел“ (Israhell), кованица од англиските зборови Израел и пекол, „НАТО = мочуриште“ и „Повеќе не сакаме да сме робови на НАТО“ и апели за воведување санкции за САД и за Израел
Сите вести од Регион

Најнови вести

To top