Македонија

Муцунски: Европските пари и се и повеќе од потрребни на Македонија

Планот предвидува интеграција на партнерите во Единствениот европски пазар, унапредување на регионалната економска соработка, забрзување на реформите поврзани со европските стандарди и зголемување на претпристапната финансиска поддршка. Според Европската Унија, ова треба да придонесе за побрз процес на проширување и економски раст во регионот.

4 минути за читање

Министерот за надворешни работи и надворешна трговија Тимчо Муцунски соопшти дека Европска комисија стави на располагање 65,7 милиони евра за Македонија во рамки на Инструментот за реформи и раст. Според него, ова е највисокиот износ доделен во регионот, во споредба со доделените 49 милиони евра за Албанија и 44,2 милиони евра за Црна Гора. Оваа одлука, како што рече, претставува потврда за посветеноста на Владата кон реформите, исполнувањето на обврските од Планот за раст и спроведувањето на европските стандарди и вредности.

  • „Ова е јасна потврда за силната посветеност на Владата кон реформите, исполнувањето на обврските од Планот за раст и имплементацијата на европските вредности и стандарди на домашен план. Воедно, тоа претставува признание за сериозниот пристап, институционалниот капацитет и реформскиот напредок на државата“, напиша Муцински на Фејсбук.

Посочи дека од исплатените 65,7 милиони евра, 30,6 милиони евра ќе бидат префрлени директно во државниот буџет, додека преостанатите средства ќе бидат ставени на располагање за инвестициски проекти преку Инвестициската рамка за Западен Балкан (WBIF).

Според официјални информации од Европската комисија, средствата се одобрени по позитивна оценка на реформските чекори што државата ги спровела, особено во областа на образованието и дигитализацијата. Комисијата одобри вкупно 158,9 милиони евра за Албанија, Црна Гора и Македонија во рамките на Планот за раст на ЕУ за Западен Балкан.


Со денешната исплата, вкупниот износ на средства ослободени преку Механизмот за реформи и раст достигна 212,8 милиони евра за Албанија, 89,3 милиони евра за Црна Гора и 142,1 милиони евра за Македонија.

Според Европската комисија, во Албанија се позитивно оценети реформите насочени кон подобрување на деловното опкружување, поттикнување на инвестициите и иновациите, како и проширување на пристапот до финансии, особено за стартап-компании и фирми од зелениот и дигиталниот сектор. Од вкупно одобрените 49 милиони евра за Албанија, 22,8 милиони евра ќе бидат префрлени директно во државниот буџет, додека останатите средства ќе бидат достапни за инвестициски проекти преку Инвестициската рамка за Западен Балкан, согласно процедурите за одобрување.

Во Црна Гора, Европската комисија позитивно ги оцени реформите во областа на истражувањето и иновациите, вклучително и мерките за поддршка на научниците, бизнис-заедницата и истражувачките институции, како и активностите за зајакнување на националниот иновативен екосистем. Од одобрените 44,2 милиони евра, 20,6 милиони евра ќе бидат префрлени директно во државниот буџет, додека останатите средства ќе бидат достапни за инвестициски проекти преку Инвестициската рамка за Западен Балкан.

За Македонија, Комисијата ги оцени реформите насочени кон подобрување на финансирањето на основното и средното образование, како и мерките за проширување на пристапот до дигитална инфраструктура и ИТ-опрема во училиштата. Од вкупно исплатените 65,7 милиони евра за Северна Македонија, 30,6 милиони евра ќе бидат префрлени директно во државниот буџет, додека останатите средства ќе бидат наменети за инвестициски проекти преку Инвестициска рамка за Западен Балкан.

Планот за раст за Западен Балкан, усвоен во 2023 година од Европската Унија, има цел да им овозможи на земјите од регионот придобивки од членството уште пред нивното официјално пристапување во ЕУ.

Планот предвидува интеграција на партнерите во Единствениот европски пазар, унапредување на регионалната економска соработка, забрзување на реформите поврзани со европските стандарди и зголемување на претпристапната финансиска поддршка. Според Европската Унија, ова треба да придонесе за побрз процес на проширување и економски раст во регионот.

Финансиската поддршка се реализира преку Фонд за реформи и раст, кој располага со пакет вреден 6 милијарди евра.

Земјите од Западен Балкан на секои шест месеци поднесуваат извештаи за напредокот на реформите спроведени со поддршка на фондот. Последниот извештаен период ги опфаќа реформите реализирани до крајот на декември 2025 година.

Значајна улога во реализацијата на проектите има Инвестициската рамка за Западен Балкан, преку која се насочуваат околу 3 милијарди евра во грантови и заеми за приоритетни инвестиции во транспортот, енергетиката, дигитализацијата и човечкиот капитал.

Поврзани теми:

топ|еу|пари|развој|министер за надворешни работи на Македонија Тимчо Муцунски|транша

Повеќе на оваа тема:

Најнови вести од: Македонија

Гаши: Во трка сме со времето во однос на членството со Европската унија

Претседателот на Собранието, Африм Гаши, на трибина организирана од Европското движење, порача дека сме во трка со времето околу членството во ЕУ и се плаши – дека ќе го изгубиме. Според Гаши, нема никаква корист од изнаоѓање виновници околу блокадата на евроинтеграцијата и тој преферира да најдеме пат, т.е. решение и да стигнеме до целта.

Нова шанса за Македонија: Маѓар и Туск предлагаат „Вишеградската група“ да се прошири со земјите од Западниот Балкан, кои не се уште дел на ЕУ!

Премиерите на Унгарија и Полска предлагаат „нова оска за Европа“ – „Вишеградската група“ плус Западниот Балкан, оние држави, кои уште не се во ЕУ, што е нова шанса за македонската евроинтеграција, бидејќи Македонија токму од „Вишеградската група“ добива најмногу вистинска поддршка не само за влегувањето во „евроклубот“, туку и поддршка, која се спротивставува на „добрососедските“ условувања и уценувања за идентитетско-историски отстапки! Новиот премиер на Унгарија заедно со премиерот на Полска најавија дека ќе дејствуваат како „една тупаница“ во Европската Унија. 

Македонија добива 65,7 милиони евра од ЕУ за развој на државата

Европската комисија одобри 65,7 милиони евра за Македонија во рамките на Инструментот за реформи и раст. Тоа е највисок износ меѓу земјите од регионот во овој циклус на исплати. За споредба, за Албанија се одобрени 49 милиони евра, а за Црна Гора 44,2 милиони евра.

Македонија најнапредна во реформската агенда од сите во регионот, затоа ЕУ ѝ додели најмногу пари – 65,7 милиони евра!

Македонија доби најмногу пари од кандидатите за ЕУ. Европската комисија денес стави на располагање 49 милиони евра за Албанија, 44,2 милиони евра за Црна Гора и 65,7 милиони евра за Македонија од „Програмата за реформи и раст“. Ова следува по третото барање за исплата и позитивната оценка на Комисијата за спроведените реформски чекори во областите на деловната конкурентност и иновациите во Албанија и Црна Гора, како и образованието и дигитализацијата во Македонија. Со ова Европската комисија ја испрати една од најпозитивните пораки за Македонија во последните години, оценувајќи дека земјата покажува сериозен напредок во спроведувањето на реформите поврзани со европскиот План за раст за Западен Балкан. Во документот објавен од Брисел, Македонија практично е издвоена како еден од најподготвените партнери во регионот кога станува збор за исполнување на реформските обврски и користење на европските фондови. Во време кога земјитe-кандидатки за влез во ЕУ се заложници на билатерални спорови, особено Македонија, Европската комисија индиректно порачува дека реформскиот капацитет на Македонија не е спорен.

(Видео): Како изгледаат половина милион евра кеш сокриени во комбе – ги најде кучето од Царина

Царинските службеници забележале преправки на возилото, по што е ангажирано царинско куче, кое сигнализирало можност за криумчарење токму на сомнителното место. Сомнежите дополнително се потврдени по скенирање на возилото од страна на Службата за мобилни скенери. По демонтажа на дел од конструкцијата, инспекторите откриле 500 000 евра во кеш, сокриени во специјален простор во возилото.

Устен демарш за албанскиот амбасадор во Македонија Мејдани, поради изјавите, кои претставуваат мешање во нејзините внатрешни работи

„Устен демарш му бил упатен денеска на вонредниот и ополномоштен амбасадор на Република Албанија во Република Македонија Денион Меидани, кој бил повикан во Министерството за надворешни работи и надворешна трговија.“ – објави „Плус инфо“.

Мицкоски: Протестирачите-идни правници, ги прекршија законите за знамиња, за државната химна, Уставот! Имаше и надворешни мешања во внатрешните работи на РМ!

Премиерот на Владата на Република Македонија Христијан Мицкоски изјави дека го поддржува правото на протест, но оцени дека на протестот во Скопје, на кој се бараше правосудниот испит да може да се полага и на албански јазик, биле прекршувани закони и Уставот. „Поддржувам протести секогаш, тоа е демократско право да се поддржат протести. Но, мене лично ми пречитоа што протестантите, коишто практично се правници, коишто се борат за право, го прекршуваат законот, да речеме законот за знамињата. Законот за државната химна, Уставот и така натаму.“ – нагласи премиерот.

Вест важна за македонската евроинтеграција: Пет земји членки на ЕУ предлагаат „систематска“ постепена интеграција на Западниот Балкан во единствениот пазар!

Пет земји членки на Европската Унија предложија „активна и систематска“ постепена интеграција на земјите од Западен Балкан во главните сектори на единствениот пазар на ЕУ пред нивното полноправно членство, врз основа на постигнатите резултати во усогласувањето со европското законодавство и владеењето на правото, со цел да се одржи динамиката на проширувањето, да се забрзаат реформите и да се спречи влијанието на трети земји. Во нон-пејперот, потпишан од Австрија, Чешка, Италија, Словачка и Словенија, се наведува дека постепената интеграција по сектори, „како меѓучекор кон целосната европска интеграција“, треба да се спроведува кога кандидатот ќе покаже високо ниво на усогласеност со правните текови на ЕУ во релевантниот сектор и кредибилна примена на владеењето на правото. Документот предвидува и заштитни мерки во случај на назадување на земјата која добила пристап до пазарот.
Сите вести од Македонија

Најнови вести

To top