Видеото за независноста има порака која обединува. Штета што и овој пат СДС е на погрешната страна, реагираа од ВМРО-ДПМНЕ.
„Во спотот се прикажани личности и моменти од историјата на независна Македонија, меѓу кои и првиот претседател Киро Глигоров, како и достигнувања на државата и на нејзините граѓани во разни области на животот“ реагираа од партијата.
Филипче промовираше видео на Мицкоски и порача дека сите успеси на Македонија се на СДСМ
„Сума сумарум. СДС се лутат зошто го има првиот претседател на независна Македонија во спот за независноста, кој, патем, е избран консензуално, зошто немало ништо за НАТО, а си ќутат за промената на името. Протестираат зошто нема ништо за Груевски и премеруваат кој за што е заслужен, а веројатно им е тешко што го нема Заев или друг премиер. Но, сепак, ова е спот за дел од позитивните страни во овие 35 години.
За негативните уште не е снимен, но таму Заев и Венко се во главна улога, а народот сето тоа го памети.
Згрозени сме од нивото на политичка култура на Венко Филипче и од начинот на кој политизираат нешто што граѓаните го разбираат и прифаќаат како народна прослава на независноста. Искрено жалиме што СДС нема капацитет да ја види големата слика и да го надмине сопствениот талог. Не сме изненадени, но сме разочарани од тоа што денес претставува ова раководство на СДС.
Венко Филипче, кој ја објавува реакцијата на својата страница на Фејсбук, во улога на несуден режисер му нашол и друга маана на спотот – во него немало ништо за членството на Македонија во НАТО и за почетокот на преговорите со Европската Унија, а отсуството на Никола Груевски го користи како дополнителен аргумент дека видеото, всушност, ги промовира успесите на СДСМ.
Реакцијата на Филипче предизвика жестоки коментари на социјалните мрежи и потсетување на фактот дека независна Македонија во овие 35 години ја граделе различни влади, претседатели и парламентарни состави, но пред сè генерации граѓани. Спортисти, уметници, научници, лекари, работници, стопанственици и многу други луѓе постигнувале успеси независно од тоа која партија во моментот била на власт. Ниту СДСМ, ниту ВМРО-ДПМНЕ може разумно да побара ексклузивна политичка тапија врз тие достигнувања.
Понатаму нема да коментираме повеќе за партијата која го донесе најголемиот срам и криминал во овие 35 години“ велат од партијата за објавата на Филипче:
