Македонија

Највозрасните граѓани може да здивнат – линеарното зголемување на пензиите засега останува

Уставниот суд не донесе одлука за укинување на линеарното зголемување на пензиите, бидејќи ваквиот предлог немаше мнозинство гласови. Ставови на Кацарска и Костадиновски.

2 минути за читање

Највозрасната категорија граѓани може да здивне. Линеарното зголемување на пензиите останува. Уставниот суд не донесе одлука за негово укинување поради изедначен резултат во гласањето. Ова прашање беше на дневен ред на денешната седница на судот, но одлука не е донесена. Предметот ќе се разгледува повторно по комплетирање на судискиот состав.

  • „Судот поведе постапка и изрази сомнеж во уставноста на одредби од Законот за пензиско и инвалидско осигурување. На денешната седница гласовите се поделија и резултатот е изедначен, што значи дека нема одлука. Таа одлука ќе чека до доаѓањето на нови судии“, вели претседателот на Уставниот суд, Дарко Костадиновски.
  • „Работиме со еден судија помалку, а од први јануари ќе работиме со двајца судии помалку. Се надеваме дека Судскиот совет и Собранието ќе си ја завршат на време својата работа, затоа што денеска ова не беше единствената одлука која не доби мнозинство“, вели тој.

Уставниот суд донесе одлука за поведување постапка за оценување на уставноста на измените на Законот за платите на судиите, со цел заштита на судската независност од извршната власт. Костадиновски нагласи дека платите на судиите не се техничко, туку статусно прашање, кое според меѓународните стандарди не смее да се намалува дури ни во услови на економска криза.

  • „Нашата одлука не значи зголемување на платите, туку спречување на понатамошно намалување. Платата на судиите е статусно прашање нераскинливо врзано со нивната независност и самостојност“, рече Костадиновски.

Поврзани теми:

пензионери|пензии|ПИОМ|зголемување|Претседател на Уставен Суд|топ|уставен суд

Повеќе на оваа тема:

Најнови вести од: Македонија

Литовски: Битолскиот одред „Пелистер“ разбиен на 3.5.1942 од бугарските окупатори, кои ја усмртија Елпида, влечејќи ја врзана за кола низ селата, за да ги заплашат Македонците!

На денешен ден, на 3 мај 1942 година, над селото Ореово, Битолско, Битолскиот народноослободителен партизански одред „Пелистер“ бил опкружен и разбиен од бугарската фашистичка окупаторска војска и полиција, откако преку предавство бил лоциран еден ден претходно. Оваа единица на НОВ и ПО на Македонија била формирана на 22 април 1942 г. од 19 борци. Во борбата загинаа народниот херој Елпида Караманди, која била тешко ранета, заробена и набрзо свирепо убиена, Димитар Николовски-Таќи Даскало, Димче Хаџи Поповски, Мара Јосифовска-Ѓурѓа, Ордан Михајловски-Оцката и Ордан Орданоски-Сандански. Сите биле борци на овој партизански одред. Ова го истакнува универзитетскиот професор и историчар д-р Александар Литовски од Институтот за национална историја од Скопје во својата научна статија со наслов „ 3.

„Скопје1.мк“: „Малолетници под дејство на алкохол со ножеви в рака тргнаа кон мене!“ – вознемирувачко сведоштво од автобус во Скопје

Празничен ден, пикник и детска радост, но за неколку минути сè се претворило во сцена на страв и насилство. Скопјанката Наташа Младеновска сведочи за инцидент во автобус од Водно кон центарот на Скопје, во кој учествувале малолетници, а ситуацијата ескалирала до вадење ножеви.

„МКД.мк“: Во Липково вчера се „славеше„ „слободна територија Карадак“ од конфликтот во 2001 година!

Во Липково вчера беше „прославен“ 2 мај, за општината познат како „Ден на прогласувањето на слободната зона Карадак“, Кумановско, и како Ден на општината. На својот фејсбук-профил пратеникот Ријад Шаќири од Алијансата на Албанците од колицијата Вреди, напиша дека заедно со градоначалникот Еркан Арифи (од ДУИ), општинските советници на гробиштата „оддадоа почит на мачениците кои ги положија своите животи во 2001 година“. Ова го објави информативниот портал „МКД.мк“

Али Ахмети го „прослави“ 2 мај, „Денот на прогласувањето на Карадак како зона ослободена од УЧК во 2001“ и порача: Тоа е и натаму „симбол на отпор“!

Лидерот на ДУИ Али Ахмети вчера го „прослави“ 2 мај „Денот на прогласувањето на Карадак како ослободена територија“ од страна на УЧК во 2001 година“, означувајќи го овој датум како „важен момент во новата историја“. „Во Слупчане е напишана една од најзначајните страници, а прогласувањето на Карадак како слободна зона е доказ за решителност за слобода, достоинство и еднаквост. Карадак и неговите жители остануваат симбол на отпор и единство за поправична иднина.“ – рече Ахмети. Со оваа своја порака тој отвори дилема: каков „симбол на отпор“, но и кон кого, продолжува да биде и денес ова „прогласување територија ослободена од борците на УЧК во мај 2001“?! Претседателот на ДУИ Ахмети „прославува“ и денес „25 години од прогласувањето слободна зона“ инаку на територијата на унитарната држава Македонија!
Сите вести од Македонија

Најнови вести

To top