Македонија

Ни секој трет во Бугарија не е за Македонија во ЕУ!

Според Евробарометар, само 32 проценти анкетирани Бугари се за влез на „браќата“ во Унијата, наспроти 58 отсто против

2 минути за читање

Само 32 проценти или помалку од една третина од Бугарите се за членство на Македонија во Европската унија, што е убедливо најниска поддршка меѓу 27. земји-членки, покажува последното испитување на јавното мислење на Евробарометар за расположението на граѓаните на Унијата за проширувањето.

Според анкетата на статистичката агенција на ЕУ, помала поддршка од Македонија меѓу Бугарите има само Украина од 31 отсто.

Против македонскиот влез во Унијата се изјасниле 58 отсто од бугарските испитаници, а 10 отсто одговориле со „не знам“.

Втора најмала поддршка за членство на Македонија во ЕУ е регистрирана во Австрија (34 отсто), а трета во Франција (36 отсто). Следуваат Чешка со 38 отсто, Грција со 39 отсто, Германија, Италија и Кипар со по 44 отсто и Белгија со 48 отсто, колкава што е просечната поддршка за македонската евроинтеграција на ниво на Унијата.

На спротивната страна, уверливо најпромакедонска во овој поглед е Шведска со 78 проценти поддршка, потоа Словенија со 71 отсто, Хрватска со 69 отсто, Данска со 66 отсто, Холандија и Романија со по 61 отсто.

Во Унгарија и во Малта поддршката за Македонија во ЕУ е 57 проценти, во Шпанија 56 отсто, во Словачка и во Финска 55 отсто, во Ирска 54 отсто, во Естонија 53 отсто, во Летонија 52 отсто, во Луксембург и во Португалија 51 отсто, во Литванија и во Полска 50 отсто.

 

 

Поврзани теми:

топ|Македонија|еу|Бугарија|Евробарометар

Повеќе на оваа тема:

Најнови вести од: Македонија

Неуспешните обиди на Бугарите да ги спречат Кажимјеж Фелешко и други полски македонисти во меѓународната афирмација на самобитноста на македонскиот јазик

Денес, на 3 јули 2026 година се навршуваат 25 години од смртта на истакнатиот полски славист и македонист Кажимјеж Фелешко, еден од големата низа полски македонисти, кој има дадено драгоцен придонес кон меѓународните студии на македонскиот јазик, третиран како засебен јазик во семејството на јужнословенските јазици. Оваа годишнина е повод за осврнувањето на научното творештво негово, но и на цела една голема низа други исто така истакнати полски македонисти, кои повеќе децении во континуитет се вклучени во студиите за македонскиот јазик, во македонистиката во Полска, а со тоа и во широката меѓународна афирмација за македонскиот јазик. Во овој контекст е посебно за истакнување и една од најголемите полски македонистки и членка на Македонската академија на науки и уметности Зузана Тополинска, која во 2020 година ќе изнесе шокантно сведоштво во интервју за „360 степени“ дека Бугарите ѝ нуделе дури и пари да се откаже од македонистиката и македонскиот јазик. „Бугарите се циркус, поради својата несигурност во врска со поради македонскиот јазик!“ – ќе каже академик Тополинска во тоа свое интервју. Во 2005 година професорката Лилјана Минова – Ѓуркова ќе изнесе уште еден вџашувачки момент: при доделувањето на почесниот докторат на науки на Станислав Гајда, полски филолог и македонист, од страна на Универзитетот УКИМ, Бугарите им упатувале и ултиматуми не само на група македонски македонисти, туку и на самиот Гајда, „да се откажат од Македонците и македонските дијалекти во Бугарија“! Ова Ѓуркова го напишала во соодветно полско списание во статија посветена на доделувањето на почесниот докторат на науки на Гајда, инаку полски филолог-македонист, како и член на Полската академија на науки.    

Ошлис: Македонецот Наум Охридски е европски просветител, но и дипломат, а Европа ако ја изгуби Македонија, набргу ќе се изгуби и саматата себеси! (3)

Големиот германски македонист проф.д-р Волф Ошлис силно ја застапува македонската историска перспектива и нагласува дека дејноста и традицијата на Свети Наум Охридски е дел од македонското јазично-културно и просветителско наследство. Во своите истапувања на Меѓународниот семинар за македонски јазик и култура во Охрид во изминатите години Ошлис ја ја аргументирал повеќе пати својата констатација дека Наум е еден од основноположниците на македонската култура, јазик, религија и наука, без никаква врска со други народи во Балканот. Во својот научен труд со наслов „Македонецот Наум Охридски и Германецот Регино фон Прим како европски дипломати“ Ошлис, дури, го означува македонскиот просветител и како еден од првите и тоа врвни европски дипломати, поради развиените контакти, што ги имал со тогашните владетели и видните личности од нивните царски дворови, во рамки на своето учество во тогашната Моравска мисија на македонските и сесловенски просветители Кирил и Методиј, започната во 863 година меѓу народите во Средна Европа.

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.
Сите вести од Македонија

Најнови вести

To top