Љубиша Николовски , новинар кој често ја критикува владата на ВМРО-ДПМНЕ, а некои го сметаат и за поддржувач на СДСМ реагираше по жестоката критика од СДСМ на сметка на политичкиот аналитишар Петар Арсовски, за кого не бираа навредливи зборови.
„Глупоста, да ги наречеш луѓето во Платформата 12.05 за предавници на СДСМ и одработувачи на Мицкоски, е немерлива!”, напиша новинарот Љубиша Николовски на Фејсбук.
„А обвинувањето дека Петар Арсовски ‘се продал за вечера’ – додава новинарот – е самоубиствен потег на прекинување на врските со сите релевантни аналитичари кои со децении се подметнуваат во јавниот простор во одбрана не на СДСМ, туку на социјал-демократската и либерална идеологија, додека повеќето од тие ‘структури’ на тесното партиско раководство дремеа во канцелариите на Бихаќка, чекајќи да фатат некое добро платено место во општеството!”