Македонија

По предлог на судијката Добрила Кацарска, Уставен суд ќе го оценува линеарното зголемување на пензиите

Повеќе од трагичното објаснување на Уставниот суд е дека имало некаков си наводен сомнеж за дискриминација на пензионерите со поголеми пензии во однос на оние со минималните пензии, аргумент кој од општествено-социјален аспект е далеку од умот и нема никаква логика. За нивна жал, тие со поголеми пензии и кои јавно се бунеа, се предомислија во јули годинава и ја пофалија мерката и потегот на премиерот Христијан Мицкоски. Тоа, сепак, не стигнало до Кацарска и Уставен.

2 минути за читање
facebook.com/ustaven.oficijalna.stranic

Уставниот суд по предлог на судијката Добрила Кацарска, по сопствена иницијатива поведе постапка за оценување на уставноста на член 2 од Законот за изменување и дополнување на Законот за пензиското и инвалидско осигурување (објавен на 29.07.2025), со кој се воведе линеарното зголемување на пензиите од 2.000 денари за сите пензионери – 1.000 денари во септември 2025 и уште 1.000 на пролет 2026 година.

Судот изрази сомнеж дека линеарниот модел создава дискриминација кон пензионерите со повисоки пензии, бидејќи тие добиваат релативно помало зголемување од оние со пониски пензии, иако имале подолг стаж и повисоки придонеси. Во соопштението се наведува дека пензијата е стекнато имотно право (член 30 од Уставот) и дека постои ризик од нарушување на социјалната праведност, еднаквоста и легитимните очекувања. Судот ќе провери дали разликата во третманот има „објективно и разумно оправдување“ според стандардите на Европскиот суд за човекови права.

Оваа одлука предизвика остри реакции во јавноста, особено кај пензионерите, кои само четири месеци претходно (на 18 јули 2025) јавно ја поздравија мерката на премиерот Христијан Мицкоски. Тогаш претседателот на Иницијативните одбори за линеарно зголемување, Трајче Станојков, изјави:

„Ако гледате математички, лани ни дадоа 5.000 денари и сега ни даваат 2.000 денари, еве ќе речам 1.000 во септември треба да бидат дадени, па кога ќе го ставите тоа во еден простор од година и нешто дена, јас сум 70 и некоја година, досега не сум видел дека некоја Влада, или која било политичка Влада за година и пол дена да ги покачи (пензиите) за 6.000 денари. Затоа остануваме како луѓе благодарни на Владата и мислам дека самите пензионери ќе го сфатат тоа дека висината е задоволна.“

Станојков тогаш нагласи дека линеарното зголемување е правично за најсиромашните пензионери, кои со процентуален модел би добиле само 900 денари. Сега, по одлуката на Уставниот суд, стотици илјади пензионери стравуваат дека веќе исплатеното и ветеното зголемување би можело да биде укинато.

Поврзани теми:

уставен суд|пензии|Добрила Кацарска|покачување|Христијан Мицкоски|топ

Повеќе на оваа тема:

Најнови вести од: Македонија

Алиу: Задоцнет е и без ефект протестот во Скопје за косовската УЧК! – Требаше да го има во 2015 година!

„Мислам дека е доцна – доцна во смисла дека ќе има некаков ефект. Протестот, како политички чин, требаше да биде осмислен и организиран во вистинско време. Вистинскиот момент беше во 2015 година, кога се гласаше за основањето на Хашкиот трибунал.“ – рече д-р Мурат Алиу, професор во Факултетот за општествени науки на државниот универзитет „Мајка Тереза“ од Скопје, вечерва во емисијата „Дебата“ на ТВ Шења.

Се враќа на пругите некогаш отпишаниот „Шпанец“, целосно обновен и тестиран, со аларм и видеонадѕор! (Видео)

Со обновувањето на легендарниот „Шпанец“ и неговото враќање во употреба на македонските пруги Македонски железници најавуваат преродба на железничкиот превоз во Македонија – со нагласка на зачувување на традицијата, но и осовременување на постојните возни средства.

Екс-„УЧК“ ги предупредува „соборците“ да не доаѓаат на протест во Скопје, оти полицијата е „должна да ги апси, ако се на потерници на Европол“!

„Претпочитаме нашите борци на УЧК да не тргнуваат на пат кон Скопје, бидејќи немаме гаранции. Дури и да го побараме тоа, не е можно државата С.Македонија да даде гаранции кога сте на списоците на Европол. Автоматски, кога вашата лична карта ќе биде внесена во базата на податоци на граничната полиција и ќе се покаже дека сте барани, полицијата има обврска да ве уапси. Затоа им кажуваме на нашите соборци да не учествуваат на протестот во Скопје. Има многу граѓани кои ќе учествуваат.“ – истакнува „Организацијата на воени ветерани-УЧК“ во своето соопштение, едновремено и предупредување до нивните поранешни „соборци од УЧК“ од Косово. Ова го објави ТВ Алсат.

Законот за правична застапеност доби позитивна оценка од Венецијанската комисија дека е усогласен со европските стандарди

„Законот за правична и соодветна застапеност станува реалност 24 години по Охридскиот договор. Позитивна оценка од Венецијанската комисија. Работа, а не фудбал во државните канцеларии.“ – порача преку својот фејсбук-профил вицепремиерот Арбен Фетаи, алудирајќи на праксата за „занимавање со спортска рекреација“ и злоупотребување на државните кабинети од страна на Артан Груби и другите високи функционери на ДУИ додека беа дел на Владата на Република Маедонија.
Сите вести од Македонија

Најнови вести

To top