Претседателката Сиљановска-Давкова ќе организира прием за талентирани ученици

Претседателката денеска ќе биде покровител и на панел-дискусијата „8 Септември низ призмата на неговите непосредни учесници и сведоци“ која е предвидена да почне во 9 часот.

На настанот, шефицата на државата, заедно со поранешни политичари, државни функционери, пратеници, новинари и јавни личности, ќе се осврнат на клучните политички, институционални и општествени процеси што доведоа до создавањето на независната македонска држава.

Преку лични сведоштва и сеќавања, учесниците ќе ги споделат своите искуства од историскиот период во кој Македонија го трасираше патот кон самостојноста, со цел да се зачува колективната меморија за еден од најзначајните моменти во современата македонска историја.