Македонија

Прва спортска сала во Хром: Инвестиција за иднината на децата

Градоначалникот на Општина Ѓорче Петров, Александар Стојкоски, заедно со премиерот Христијан Мицкоски и министерката за образование и наука, Весна Јаневска, извршија увид во завршните работи на новата спортска сала во ООУ „Димитар Поп Ѓорѓиев – Беровски“ во населбата Хром, Скопје.

Градоначалникот на Општина Ѓорче Петров, Александар Стојкоски, заедно со премиерот Христијан Мицкоски и министерката за образование и наука, Весна Јаневска, извршија увид во завршните работи на новата спортска сала во ООУ „Димитар Поп Ѓорѓиев – Беровски“ во населбата Хром, Скопје. Ова е прв спортски инфраструктурен проект во историјата на Хром, со целосно опремена сала, вклучувајќи гардеробери, санитарни јазли и друга потребна инфраструктура, достапна за учениците и жителите на населбата.

Инвестицијата за салата изнесува 19.730.000 денари со ДДВ, што ја прави една од најзначајните образовно-спортски проекти во општината. Паралелно, со дополнителни 1.500.000 денари се реализираа нов влез со пристапна рампа, скали и патека, нова трпезарија и кујна, реновирање на стариот дел од училиштето, проширување на ходниците и санација на оштетени делови од кровот. Овие вложувања го трансформираат училиштето во современа, безбедна и функционална средина за учење и активности.

Градоначалникот Стојкоски истакна: „Денеска пишуваме историја за Хром и за целата општина. Ова е првата спортска сала овде, потврда дека кога ветуваме – реализираме. Нашите деца ќе имаат подобри услови за учење и спорт, а жителите на Хром современ простор за идните генерации. Ѓорче Петров создава иднина.“

Проектот ја потврдува посветеноста на Општина Ѓорче Петров за подобрување на инфраструктурата и квалитетот на животот, со фокус на образование и спорт. На социјалните мрежи, жителите го поздравија проектот како чекор кон модернизација на Хром.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

To top