Продавачи, келнери, готвачи, сметководители, административци и работници во индустријата се меѓу најбараните профили работници на македонскиот пазар на труд. Иако најмногу намногу негостасуваат работници во угостителскиот сектор, сепак работодавачите велат дека во моментов скоро и да нема професија која не се бара на пазарот. Ако изминатите години секој втор оглас беше наменат за работници во ИТ секторот, сега побарувања има за електричари, бравари, рабптници во машинската изндустрија, занаетчии.
„Според огласите што се објавени во АВРМ тоа се продавачи и да речеме се бараат и лицата за обезбедување на имот, оние стражари во агенциите за обезбедување бидејки тие се и најмалку платени. ИТ работниците ја изгубија таа привилегија за најбарано работно место со напредувањето на вештачката интелегенција. “- вели Ангел Димитров од Организација на работодавачи.
Дополнително е загрижувачки податокот дека меѓу оние кои бараат работа, доминираат кандидатите со основно образование, а најголем дел од нив, од организацијата за работодавачи велат дека завршуваат со работа на црно. Па поради недоволно квалификуван кадар, работодавците ја зголемуваат платата само за да ги задржат работниците, а продуктивноста тапка во место.
„Факт е дека и бројките со просечна плата покажуваат дека поради недостиг на работници реалната плата расте многу повеќе од продуктивноста во државата. Затоа што просечната нето плата за петти месец 2026 година во однос на мај 2025 е порасната за 8,2 проценти. И ако ја одбиеме инфлацијата за тој период од 2,3 проценти значи имаме реален раст на нето платите од 5,9 проценти во услови кога растот на БДП по жител ни е 3,1 проценти.“ – вели Димитров.
Според статистиките, во Македонија над 129 илјади се водат како невработени од кои 88 500 активно бараат работа, а околу 41 илјада се пасивни кандидати. Работодавците велат дека бројката би требало да биде значително помала бидејќи во првите три месеци од 2026 околу 94 илјади работеле во неформалната економија. Тие велат дека мерките на Владата за намалување на невработеноста ги даваат посакуваните резултати, но на долгорочен план не треба да се даваат плати и дневници на рака и да се зголемат инспекциите за работа на црно со цел трајно да се исчисти списокот на невработени.