Македонија

Русковска: Не ги знаев казните за „27 април“ и не се договарав со Заев

Поранешната јавна обвинителка и поранешна шефица на Јавното обвинителство за гонење организиран криминал и корупција, Вилма Русковска демантира дека заедно со екс-премиерот Зоран Заев се договарале кој да биде обвинет за настаните од „27 април“. „Самиот Заев за организаторите рече дека не се виновни и дека биле изманипулирани. И сега он ги пишувал казните? Секој […]

2 минути за читање

Поранешната јавна обвинителка и поранешна шефица на Јавното обвинителство за гонење организиран криминал и корупција, Вилма Русковска демантира дека заедно со екс-премиерот Зоран Заев се договарале кој да биде обвинет за настаните од „27 април“.

„Самиот Заев за организаторите рече дека не се виновни и дека биле изманипулирани. И сега он ги пишувал казните? Секој може да каже што мисли, но јас тврдам дека казните не ги знаев. Најодговорно тврдам.

Апсолутно не (сум примала влијание за кој да биде обвинет за 27 април). Јас имав кажано некаде кога течеа завршните зборови и пред новинари кажав дека или ќе биде ослободителна пресуда или ќе бидат високи казните.

Тука нема средина. Минимумот е многу висок“, кажа Русковска во поткастот „Основано сомнение“, додавајќи дека нејзината изјава била извртена, пренесува „Локално“

За сега веќе починатиот Игор Југ, за кого во обвинението за настаните се вели дека имал задача да го убие Заев, Русковска вели дека тој имал пиштол, според сведок кој изјавил дека му паднал пиштолот. Имаше доволно снимки, посочи екс-обвинителката.

„Имаше следење на комуникации кои не смеевме да ги презентираме како докази на барање на ОЈО до Врховен суд. Според тогашниот закон за следење на комуникации, таа комуникација не можеше да се презентира пред судницата. Не можеше поединечно. Овој не направил ништо, на крај ќе излезе дека никој не направил ништо“ , рече меѓу другото Русковска пренесува порталот „Локално“.

Поврзани теми:

топ|Заев|Русковска|27 април

Повеќе на оваа тема:

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top