Македонија

Сиљановска – Давкова: Граѓаните имаат јасен став, околу 80 отсто не сакаат да се менува Уставот! Во добрососедскиот договор со Бугарија нема ниеден збор за уставни промени!

„Во Македонија граѓаните имаат јасен став, околу 80 отсто не сакаат да се менува Уставот, но речиси 70 отсто се за членство во Европската Унија. Ова создава тешка дилема за политичарите: како да се усогласи волјата на народот со меѓународните обврски.“ – истакна претседателката Гордана Сиљановска – Давкова на предавањето на тема „За парадоксите на македонските евроинтеграции“ на Правниот факултет во Загреб.

2 минути за читање

Македонската претседателка посочи дека историјата покажува оти земјата знае да прави тешки, но важни чекори и дека Македонија е единствената држава што го смени своето име. Таа нагласи дека во дипломатските односи често се посочува оти договорите треба да се почитуваат, но тоа не значи дека секој договор може да наметне промена на Уставот.

Сиљановска-Давкова додаде дека според власта договорите треба да се почитуваат во духот на соработката, без да се кршат домашните правила. Таа истакна дека во договорот за добрососедство со Бугарија од 2017 година нема ниту еден збор за уставни измени, потенцирајќи дека таквите прашања не може да се воведуваат преку протоколи договорени меѓу министри, без ратификација во парламент.

„Не може двајца министри за надворешни работи во улога на конзули да менуваат договор. Тоа е спротивно на правните принципи.“ – истакна таа, додавајќи дека не ѝ е јасно како вакви одредби станале дел од преговарачката рамка со ЕУ.

Според претседателката, постои опасност преку протоколите да се отвораат нови прашања, кои не се поврзани со Копенхагенските критериуми, туку претставуваат мешање во внатрешните работи на државата.

Поради ова, како што рече Сиљановска-Давкова, експертите, вклучително и Венецијанската Комисија, велат дека земјата треба да најде рамнотежа меѓу почитувањето на домашните институции и меѓународните очекувања.

Поврзани теми:

топ|актуелно|Гордана Сиљановска-Давкова|претседателка на Македонија|добрососедскиот договор со Бугарија не содржи уставни промени

Повеќе на оваа тема:

Најнови вести од: Македонија

По повод Светскиот ден на уметноста Општина Пустец со почит се сеќава на уметниците кои ја негувале македонската култура

Годинешното мото „Негување на заедницата преку уметноста“, нè потсетува дека уметноста не е само творење, туку мост што ги поврзува луѓето, генерациите и нашиот заеднички македонски идентитет

Муцунски: Анита Орбан потврди дека во надворешната политика на Унгарија ќе остане цврсто втемелен приоритетот за Западен Балкан

Министерот за надворешни работи и надворешна трговија Тимчо Муцунски вели дека во вчерашниот телефонски разговор со Анита Орбан, главен советник за надворешна политика на новата владејачка партија на Унгарија – TISZA, се согласиле дека двете држави треба да имаат уште подобри билатерни односи со заеднички фокус и на прироритетите во НАТО и на нашиот пат кон полноправно членство во ЕУ

Јанчев: Кавадарци има отворени проекти од 19 милиони евра, презентирана веб-платформа со активности од сите сектори

Старечки дом, обиколница, младински и пионерски дом, прва фаза од гасификација, реконструкција на градски отворен базен, доградба на спортски центар, изградба на картинг патека, доградба на покриен базен и изградба на спа центар, био пазар, дневен центар за лица со телесна и ментална попреченост, велосипедски патеки до Тиквешко Езеро, садење на дрвја и цвеќиња, асфалтирање на улици, се дел од проектите што се реализираат, во рамките на повеќе сектори

Шокантни видеа на судењето: Стојанче Јовановски ја снимал Ивана како плаче и го моли да не ја удира

Следното рочиште е закажано за петок, кога исказ ќе даде и обвинетиот Стојанче Јовановски. Тој се изјасни за виновен за тепање и загрозување на сигурноста, но не и за поттикнување на самоубиство. Каење за трагедијата досега јавно не изразил.

Директорот на МРТВ Цветкоски бара смена на Гаши, главната уредничка на МРТВ2, поради емитувањето на скандалозниот прилог за „Голема Албанија“’ во програма

Директорот на Македонска радиотелевизија Марјан Цветковски бара разрешување на главната уредничка на МРТВ 2 Мерита Гаши, откако во програмата беше емитуван детски фестивал со симболи на „Голема Албанија“.

Посмртно одликуван д-р Анастас Коцарев за исклучителен придонес во медицината и борбата за независна Македонија

На свечена церемонија во Скопје претседателката на Република Македонија Гордана Сиљановска – Давкова посмртно го одликува д-р Анастас Коцарев со Орденот „Илинден 1903“ за неговиот исклучителен придонес во медицината и борбата за независна Македонија. Од името на семејството и на Здружението на заборавени Македонци Соња Коцарева-Трпезановска нагласи дека признанието е чин на враќање на Коцарев во македонскиот Пантеон на вечноста.
Сите вести од Македонија

Најнови вести

To top