Лидерот на Алијанса за Албанците Арбен Таравари ги објави кандидатите на неговата партија за локалните избори.
Тој објави дека Блеранд Рамадани, Назим Таипи, Исен Шабани и Валбон Лимани ќе бидат негови кандидати.
„Кандидат за Општина Сарај ќе биде Блеранд Рамадани, за Општина Теарце ќе биде Назим Таипи, за Општина Врапчиште ќе биде Исен Шабани, а кандидат за Гостивар ќе биде Валбон Лимани“, рече Таравари, кој не исклучи заеднички листи со коалицијата што ќе се вика „Национална алијанса за интеграција“.
Формирањето на широка коалиција на партиите на Албанците насловена „Национална алијанса за интеграција“ за претстојните локални избори, во која ќе се вклучат не само ДУИ и Алијанса за Албанците, туку и граѓански организации и други политички субјекти, беше најавена пред дваесетина дена од потпретседателот на ДУИ, Бујар Османи.
Запрашан за „довчерашните“ коалициони партнери, Таравари рече дека „АА беше причината зошто ВРЕДИ доби 108 илјади гласови, имавме лошо искуство со ВРЕДИ. Им посакувавме среќа“, рече Таравари.
На прашањето зошто не се кандидира на локалните избори, Таравари рече дека се докажал во двата пати кога ја освоил Општина Гостивар.