Македонија

Во Битола отстранети над 1.700 рачни бомби и мини од Првата светска војна (ВИДЕО)

Целта е целосно чистење на критичните подрачја во битолскиот регион

Во близина на Тумбе Кафе во Битола деновиве се извадени повеќе од 1.700 рачни бомби и тромблонски мини од Првата светска војна. Со тоа е отстранета голема опасност за куќите што се наоѓаат веднаш под локацијата, на само неколку метри воздушна линија.

Директорот на Дирекцијата за заштита и спасување, Стојанче Ангелов, денеска од самото место изјави дека се работи за огромна количина неексплодирани убојни средства.

– Огромна количина којашто се наоѓа во овие сандаци зад мене. Ископувањата продолжуваат и понатаму. Очекуваме да најдеме уште повеќе од вакви бомби, но и други видови на неексплодирани убојни средства – рече Ангелов.

Тој упати голема благодарност до пиротехничарот на Дирекцијата кој е носител на акцијата, како и до неколку пензионирани припадници на МВР – поранешни припадници на специјалната единица „Тигри“ и еден од Отсекот за антитероризам – кои со договор на дело дале значаен придонес во безбедното отстранување на бомбите.

Ангелов посочи дека во моментов во Дирекцијата има само неколку пиротехничари, а во тек е процедура за вработување на уште еден со соодветни сертификати и искуство. Тој најави дека се размислува и за привлекување нови кадри, бидејќи обучени пиротехничари не се наоѓаат лесно – потребна е повеќегодишна, најмалку тростепена обука.

Со измените на Законот за заштита и спасување од јуни годинава, постои можност пензионираните припадници да бидат ангажирани уште десетина години. Ангелов истакна дека намерата не е само да се исчисти оваа локација, туку и други критични места во битолско, за кои има информации дека има стотици, а на некои места и илјадници неексплодирани убојни средства.

Најнови вести од: Македонија

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

УКИМ не платил сметки за струја, ако не се плати долгот – факултетите ќе останат во мрак

Дел од државните факултети и Ректоратот од утринава се во мрак поради неплатени сметки за електрична енергија. Ова за Телма го потврдија и од ЕВН. Без струја останаа Машинскиот, Електротехничкиот, Природно – математичкиот, земјоделскиот факултет, но и зградата на Ректоратот.

Велковски: Во владина постапка се измените на Законот за детска заштита, од 2027 поголема поддршка за децата со посебни потреби

Измените на Законот за детска заштита веќе се во владина процедура, каде се предвидува зголемување на постоечките државни износи за поддршка, со посебен фокус на децата со посебни потреби, изјави министерот за труд и социјална политика и млади, Ѓоко Велковски одговарајќи на пратенички прашања во Собранието, нагласувајќи дека се очекува овие измени брзо да ја поминат собраниската процедура и од 1 јануари 2027 година децата од оваа категорија да добијат зголемени средства.

Николоски: Од 1 јануари 2027 државата ќе биде единствен организатор на интернет-игрите на среќа и ВЛТ терминалите

Владата останува на ставот за ограничување на игрите на среќа и веќе презеде конкретни законски мерки со кои се намалуваат можностите за нивно организирање, истакна заменик претседателот на Владата и министер за транспорт, Александар Николоски, одговарајќи на пратеничко прашање на Јована Мојсоска од Левица поврзано со работењето на Државна лотарија, односно дали Владата ќе иницира разрешување на директорот на Државна лотарија, Александар Климовски, како и дали ќе биде затворена платформата за онлајн коцкање „Мегавин“.

To top