Регион

Бивш бугарски амбасадор во Скопје: Зошто да не се обидеме да го собориме авионот на Путин?

Александар Јорданов нема против авионот на рускиот претседател да биде урнат ако лета преку Бугарија до Будимпешта

2 минути за читање

Некогашниот бугарски амбасадор во Македонија и до лани европратеник Александар Јорданов нема ништо против неговата земја да проба да го собори авионот на рускиот претседател Владимир Путин ако прелетува над Бугарија на пат за Будимпешта на најавената средба со американскиот колега Доналд Трамп.

„Не верувам дека нашите воздухопловни сили се способни да го соборат авионот што ќе го превезува рускиот претседател Владимир Путин во Унгарија. Но, зошто да не се обидеме? Секако, под услов Кремљ да побара да лета над нашата земја“, напиша на Фејсбук поранешниот европратеник од СДС.

„Сепак, пред да размислиме за најдоброто, би било добро Владата да одбие да обезбеди коридор за овој лет. Полска и Романија сигурно ќе го сторат истото. Значи, владетелот на Кремљ ќе мора да лета долго, долго време за да стигне до Будимпешта. Според специјализираното издание ‘Ер лајв’, маршрутата може да достигне 5 илјади км, што го зголемува времето на летот за 3 часа. Најверојатно, тој ќе ги заобиколи Каспиското Море, Иран, Турција, Средоземното Море, Црна Гора и Србија за да слета во Будимпешта.

Навистина долг лет, но не затоа што на патникот со висок ранг многу му се патува (тој, сепак, е во години), туку затоа што Меѓународниот кривичен суд издаде налог за негово апсење. Владимир Путин е обвинет за злосторства извршени од руски војници во Украина, вклучително и нелегална депортација на украински граѓани, вклучувајќи многу деца. Ова за децата е вистина. Тие беа киднапирани од нивната татковина за да бидат претворени во јаничари.

Бугарското Министерство за надворешни работи не треба да чека барање од Москва за да каже ‘НЕ’. Треба да го каже тоа сега. За да можат да испланираат друга рута во Москва и да бидат свесни дека тој ќе оди по ‘обиколница’.

Американскиот претседател прави голема грешка со тоа што повторно ќе се сретне со рускиот претседател. На претходната средба, која се одржа меѓу двајцата во Енкориџ, тој ја посрамоти својата земја. Сега се чини дека решил да го стори истото во Будимпешта. Што се однесува до домаќинот на средбата, унгарскиот премиер Виктор Орбан, тој одамна е путинофил. А неговиот путинофилизам го направи и трампист. Големо понижување за Унгарија“, коментира на Фејсбук поранешниот претседател на бугарското Народно собрание.

Поврзани теми:

Бугарија|Александар Јорданов|Доналд Трамп|Владимир Путин|Будимпешта

Повеќе на оваа тема:

Најнови вести од: Регион

Бугарите на протестите побараа оставка на Радев, нарекувајќи го „измамник“, „кукавица“ и „штетен за Бугарија“, а владата како „неспособна и криминална“!

Бугарската новинска агенција БТА објави: Антивладините демонстранти го блокираа сообраќајот на централните улици во Софија во саботата. На митингот се скандираше: „Оставка“ и „Ова не е Москва“! Граѓаните масовно бараа итна оставка од кабинетот на Радев само еден месец по неговото стапување на должност. На антивладините демонстрации во Софија вчера имаше транспоаренти со порака: „Чичо Румен, оди си со мир!“ „Целата влада на Радев е исткаена од грешки и како луѓе и како политичари. Грешки во надворешната политика, грешки во внатрешната политика, буџетот. Сè е ужасно. Ако Радев остане на власт, претпоставувам дека до зима во Бугарија ќе биде многу, многу лошо!“ – изјави еден демонстрант за Бугарското национално радио.

Илјадници на улиците во Софија, прв протест и „граѓански отпор“ против владата на „рускиот агент“ Радев, кои ја „одалечуваат Бугарија од европскиот пат“!

Во Софија синоќа се одржа првиот протест против владата на Румен Радев, при што илјадници граѓани излегоа на улиците изразувајќи незадоволство од политиките на актуелната власт, со посебен акцент на предложениот државен буџет и насоката во која, според нив, се движи државата. Организаторите упатија остри критики кон премиерот Радев, оценувајќи дека неговото владеење ја оддалечува Бугарија од европскиот пат. „Радев не е само бугарскиот Орбан. Тој е и бугарскиот Јанукович. Владеењето на ваквите руски агенти води кон војна ако не бидат соборени на време“, порачаа организаторите на протестот, пренесува бугарскиот медиум „Актуелно“.

Политико: Европската Унија планира постепена интеграција на идните членки преку економски бенефиции

Европската комисија работи на план што би им овозможил на земјите-кандидатки за членство во ЕУ пристап до одредени економски придобивки и пред формалниот влез во Унијата, изјавија неколку официјални претставници, објави денеска бриселскиот Политико.

И македонски државјанин дел од разбиен кокаински клан во Албанија

Во акцијата, издадени се налози за апсење на 10 лица, меѓу кои е и Сокол Бибај (43), еден од клучните членови на криминалната структура. Бибај се споменува и во аферата „Двојник“, кога македонските власти издавале македонски пасоши на познати криминалци од регионот и пошироко
Сите вести од Регион

Најнови вести

To top