Бугарски возач на камион бил фатен со 500 кг канабис во пристаништето Игуменица во Западна Грција, објавува „Катимерини“.
Дрогата била пронајдена за време на рутинска проверка на камионот во пристаништето. Канабисот бил скриен меѓу товарот што се транспортирал.
Според истражителите, товарот потекнувал од Валенсија, Шпанија. Дрогата транзитирала низ Италија пред да пристигне во Грција. Се проверува дали крајната дестинација била Турција.
Полицијата посочува дека осомничениот не соработува со истражителите, одбивајќи да даде информации за пратката.