Регион

„Го сакаме левот“, „Не за еврото“ : Протести во Бугарија

  Под силно полициско присуство вчера во Софија се одржа уште еден протест против воведувањето на еврото, организиран од партијата „Вазраждане“ и Граѓанскиот комитет за зачувување на бугарскиот лев, јавија бугарски медиуми. Незадоволните скандираа: „Го сакаме левот“, „Не за еврото!“ и „Оставка!“. Според демонстрантите, усвојувањето на еврото ќе доведе до зголемување на цените и губење […]

 

Под силно полициско присуство вчера во Софија се одржа уште еден протест против воведувањето на еврото, организиран од партијата „Вазраждане“ и Граѓанскиот комитет за зачувување на бугарскиот лев, јавија бугарски медиуми.

Незадоволните скандираа: „Го сакаме левот“, „Не за еврото!“ и „Оставка!“.

Според демонстрантите, усвојувањето на еврото ќе доведе до зголемување на цените и губење на финансиската независност.

„Не можам а да не бидам загрижен од она што ми се сугерира – дека нема проблеми и сè ќе биде под контрола“, коментираше еден од демонстрантите за медиумите.

Лидерот на „Вазраждане“ Костадин Костадинов нагласи дека протестот има и меѓународна поддршка. Меѓу присутните беа пратеници и европратеници од Германија, Литванија, Романија, Чешка, Словачка и Унгарија, вклучувајќи го и Борислав Гаманов – првиот Бугарин во германскиот Бундестаг од партијата „Алтернатива за Германија“.

Според Костадинов, воведувањето на еврото без референдум претставува „нелегален чин“ и „насилство врз бугарскиот народ“. Тој нагласи дека партијата поднела гласање за недоверба на владата, обвинувајќи ја за неуспех во фискалната политика и за обиди за „анексија“ преку воведувањето на единствената европска валута.

Се очекува гласањето да се дискутира во Националното собрание следната недела.

Според Костадинов, протестите ќе продолжат, а отпорот кон усвојувањето на еврото расте не само кај нас, туку и низ цела Европа.
Протести се одржаа уште во неколку бугарски градови.

Бугарија од 1 јануари влегува во еврозоната.

Радев за еврото: Потсмев со народот е дека цените нема да се зголемат

Најнови вести од: Регион

Трагедија на автопатот кај Нови Сад: Дете загина, седумина повредени

Едно дете загина, а седуммина други се потешко повредени во страшна сообраќајна несреќа што се случила рано изутрина околу 3:30 часот на автопатот Нови Сад – Белград, во близина на наплатната рампа кон српската престолнина.

Александар Вучиќ се огласи за проблемите во енергетскиот сектор

Вучиќ во неделата изјави дека ќе разговара со своите руски, американски и европски партнери за да го најде најдоброто решение за Србија во врска со моменталната енергетска ситуација. Тој тогаш изјави дека Србија ќе донесе свои одлуки и ќе го заштити населението ако немаме решение за проблемите оваа недела.

Претседателката Османи повикува на консултации за нов мандатар во Косово

Беким Купина, советник за медиуми на претседателката на Косово, Виоса Османи, денес изјави дека по неуспешниот обид за формирање нова влада, претседателката ќе ги покани политичките партии на консултации за избор на нов мандатар.

To top