Регион

Вучиќ до ЕУ: Примете го цел Западен Балкан одеднаш

„Србите, Бошњаците, Албанците ќе се чувствуваат подобро, Хрватите ќе бидат добро, се надевам“, аргументира српскиот претседател

1 минута за читање

Претседателот на Србија, Александар Вучиќ, денеска изјави дека најдобра идеја би била сите кандидати од Западен Балкан да бидат примени во Европската унија заедно како полноправни членки, додавајќи дека тоа ќе го предложи на состанокот со претседателката на Европската комисија, Урсула фон дер Лајен.

„Ако примите еден, или двајца, или тројца од нас, што ќе правиме со останатите? Како ќе се справиме со тоа? Како ќе ги решиме сите отворени прашања?“, праша Вучиќ на панелот насловен „Европска конкурентност во фрагментирана геополитичка средина“, кој се одржува во рамките на форумот „Белталакс“ во организација на „Глобсек“.

Шефот на српската држава додаде дека станува збор за иднината на регионот, но и за иднината на Европа.

„Ако некој сака да ја разбере геополитиката, ова е единственото нешто што ЕУ може да го направи: да нè пречека сите заедно, без граници меѓу нас. Србите ќе се чувствуваат подобро, Бошњаците ќе се чувствуваат подобро, Албанците ќе се чувствуваат подобро, Хрватите ќе бидат добро, се надевам. И гледам само добри работи како заеднички именител на оваа идеја. Тоа беше мојата идеја и тоа отворено ќе им го кажам утре и на Антонио Кошта и на Урсула фон дер Лајен“, рече Вучиќ.

Поврзани теми:

Западен Балкан|Европска унија|Александар Вучиќ|Урсула фон дер Лајен

Повеќе на оваа тема:

Најнови вести од: Регион

Бугарка глумела „медицинска сестра“, му помагала на лажен „лекар“ во Загреб и украле 13 илјади евра од жени стари од 80 до 89 години!

Полицијата во главниот град на Хрватска, Загреб, расчистува случај со измамата „Лажен лекар“ во која жртви станале постари пензионерки. Полицијата поднела кривична пријава против бугарска државјанка (57) осомничена дека измамила три постари лица за вкупно 13.000 евра со непознат маж и уште една непозната жена, лажно претставувајќи се како лекари кои бараат пари за операција. Како што објави Полициската управа на Загреб , Бугарката е осомничена за три кривични дела „измама“ жени на возраст од 80, 88 и 89 години.

Татко и син загинаа во пожар што „голтна“ село во Грција

Трагедија ја потресе северна Грција откако шумски пожар се прошири во близина на Солун и однесе два живота. Според властите, загинал 66-годишен маж, а во семејната куќа подоцна било пронајдено уште едно тело, за кое се верува дека е неговиот 12-годишен син

Бугарите на протестите побараа оставка на Радев, нарекувајќи го „измамник“, „кукавица“ и „штетен за Бугарија“, а владата како „неспособна и криминална“!

Бугарската новинска агенција БТА објави: Антивладините демонстранти го блокираа сообраќајот на централните улици во Софија во саботата. На митингот се скандираше: „Оставка“ и „Ова не е Москва“! Граѓаните масовно бараа итна оставка од кабинетот на Радев само еден месец по неговото стапување на должност. На антивладините демонстрации во Софија вчера имаше транспоаренти со порака: „Чичо Румен, оди си со мир!“ „Целата влада на Радев е исткаена од грешки и како луѓе и како политичари. Грешки во надворешната политика, грешки во внатрешната политика, буџетот. Сè е ужасно. Ако Радев остане на власт, претпоставувам дека до зима во Бугарија ќе биде многу, многу лошо!“ – изјави еден демонстрант за Бугарското национално радио.

Илјадници на улиците во Софија, прв протест и „граѓански отпор“ против владата на „рускиот агент“ Радев, кои ја „одалечуваат Бугарија од европскиот пат“!

Во Софија синоќа се одржа првиот протест против владата на Румен Радев, при што илјадници граѓани излегоа на улиците изразувајќи незадоволство од политиките на актуелната власт, со посебен акцент на предложениот државен буџет и насоката во која, според нив, се движи државата. Организаторите упатија остри критики кон премиерот Радев, оценувајќи дека неговото владеење ја оддалечува Бугарија од европскиот пат. „Радев не е само бугарскиот Орбан. Тој е и бугарскиот Јанукович. Владеењето на ваквите руски агенти води кон војна ако не бидат соборени на време“, порачаа организаторите на протестот, пренесува бугарскиот медиум „Актуелно“.
Сите вести од Регион

Најнови вести

To top