Светскиот вицешампион и соорганизатор Бугарија ја совлада Македонија со 3:0 пред повеќе од 10.000 гледачи во арената 8888 во Софија, по сетови 25-17, 25-19 и 25-18, на стартот од 34. Европското првенство за одбојкари во Бугарија, Финска, Италија и Романија.
Избраниците на селекторот Јошко Миленкоски подобро го отворија првиот сет, поведувајќи со 5-3 и се држеа до 13-14 во вториот, но потклекнаа во завршницата од првиот период од играта.
Во вториот „црвено-жолтите“ водеа и со 8-5, беше и 18-18 и пак фаворитот беше подобар до крајот на сетот
Слично се одвиваше и третиот сет, во кој македонските одбојкари имаа 7-5, 8-7 и 13-13 и повторно бугарските одбојкари го покажаа својот поголем квалитет во втората половина од сетот.
Во натпреварот што траеше 79 минути најефикасен во македонскиот состав беше капитенот Никола Ѓорѓиев со 8 поени, а Александар Љафтов беше најдобар примач на средбата со успешност од 35 проценти.
Своето четврто учество на еврошампионатите Македонија го продолжува в петок од 15 часот против Украина, на 13 септември од 18 ч. ќе игра со Полска, два дена подоцна од 15 ч. со Португалија и на крајот од групата Б наредниот ден во истиот термин со Израел.