Подготвени граѓани – поотпорна Европа. Од пакувањето на торба за итни случаи до знаењето како да се реагира кога ќе удри катастрофа, подготвеноста започнува со практични чекори. Европската комисија ги објави новите насоки со кои властите ќе им ги дадат на луѓето алатките и знаењето за да се заштитат себеси и другите во криза.
Новите упатства се дел од пошироката Стратегија за подготвеност на Унијата и се насочени кон четири клучни области: самостојност на домаќинствата во првите 72 часа од кризата, вклучување на подготвеноста во образовните програми, инклузивна подготвеност за лицата со попреченост и поефикасна комуникација на ризиците. Целта е граѓаните да бидат подобро информирани, опремени и способни да дејствуваат пред, за време и по вонредна ситуација.
Според Комисијата, подготвеноста не е само задача на институциите, туку на целото општество. Новите насоки треба да им помогнат на националните власти да ги оспособат луѓето со јасни, практични совети – од тоа што да содржат торбите за итни случаи до тоа како да се однесуваат кога ќе настане катастрофа.
Prepared citizens. A more resilient Europe.
From packing an emergency bag to knowing how to react when disaster strikes, preparedness starts with practical steps.
Our new guidelines help authorities give people the tools and knowledge to protect themselves and others in a crisis.
https://t.co/YpTOqc41NT
— European Commission (@EU_Commission) November 3, 2026