Свет

Германија: Доброволен воен рок за плата од 2.600 евра

Целта на новиот закон е да се зголеми бројот на активни војници во Германија од сегашните 183.000 на 255.000 до 270.000

Иако на германскиот Бундесвер му се потребни десетици илјади нови војници, нема да има враќање на задолжителната воена служба.

Германската владејачка коалиција постигна договор за воената служба: таа ќе остане доброволна. Новата мерка е задолжителен лекарски преглед за млади мажи и прашалник за нивната подготвеност за воена служба.

„Ова е одлучувачки чекор кон зголемување на одбранбената подготвеност на Германија“, соопшти германската влада.

Новиот концепт предвидува задолжително вклучување на сите 18-годишници во воените регистри.

Според законот за воена служба, кој треба да стапи во сила на почетокот на следната година, младите мажи ќе мора да пополнат прашалник за мотивација и да се подложат на лекарски преглед кога ќе наполнат 18 години. Оваа постапка ќе биде задолжителна само за млади мажи.

Следната година, сите млади и мажи родени во 2008 година ќе бидат поканети да полагаат задолжителен тест.

Девојките исто така можат да се регистрираат, но за разлика од младите мажи, тоа е на доброволна основа.

За да се привлечат што е можно повеќе способни регрути да се пријават како доброволци за воена служба, планирана е месечна финансиска поддршка од 2.600 евра бруто, како и делумна субвенција за положување на возачкиот испит.

Доколку не се пронајдат доволно регрути на доброволна основа, Бундестагот може да одлучи да воведе задолжителна воена служба по потреба. Во тој случај, принципот на случаен избор би се користел за да се одлучи кој мора да служи во армијата.

Целта на новиот закон е да се зголеми бројот на активни војници од сегашните 183.000 на 255.000 до 270.000.

Германија ја укина задолжителната воена служба во 2011 година, но рускиот напад врз Украина и новата безбедносна ситуација покажаа потреба од дополнителни мерки за зголемување на активното регрутирање на Бундесверот.

Анкета: Повеќето Германци не би ја бранеле земјата во случај на војна

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

To top