Свет

Какви времиња – секој петти Германец размислува да емигрира од својата земја

Најчесто наведуван мотив за евентуално напуштање е надежта за подобар живот

Секоја петта личност во Германија размислува за напуштање на земјата, покажува најновото истражување на Германскиот центар за интеграција и миграција, пренесува ДПА.

Од анкетираните 2.933 луѓе, 21 отсто признале дека размислувале за емиграција. Кај Германците без мигрантско потекло, процентот изнесува 17 отсто, додека оние кои самите дошле во Германија имаат двојно поголема склоност да размислуваат за заминување – дури 34 отсто.

Најчесто наведуван мотив за евентуално напуштање е надежта за подобар живот, што го посочила речиси половина од испитаниците. Мигрантите, пак, често ги наведуваат и искуствата со дискриминација како причина за размислување да ја напуштат земјата.

И покрај тоа, конкретни планови за заминување се ретки: само два проценти од испитаниците планираат да се преселат во странство во рок од една година. Според Федералната статистичка служба, во 2024 година Германија ја напуштиле 1,2 милиони луѓе.

Истражувањето исто така покажува дека највисока склоност кон емиграција имаат лицата со семејни врски во Турција, Блискиот Исток и Северна Африка (39 отсто), следат имигрантите од поранешниот Советски Сојуз (31 отсто) и други земји од Европската Унија (28 отсто).

Студијата посочува дека во јавните дебати за имиграцијата често се занемарува фактот дека Германија редовно губи жители, што влијае на демографијата и создава недостаток на работна рака.

Истражувањето било спроведено во периодот лето 2024 – лето 2025 година.

Најнови вести од: Свет

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Трамп: Путин по грешка испрати „неколку мали ракети“ во Полска

Трамп изјави дека „не може ништо да стори“ во врска со фактот што полскиот премиер Доналд Туск неодамна јавно изрази револт поради пријателскиот однос на американскиот претседател кон рускиот претседател

To top