Францускиот претседател Емануел Макрон во средата изјави дека Франција останува цврсто посветена на решението за две држави како единствен пат кон траен мир меѓу Израел и Палестинците.
Тој нагласи дека нема двојни стандарди во француската политика за Блискиот Исток и дека само политичко решение може да го заврши конфликтот, пренесува Ројтерс.
„Само политичко решение може да го врати мирот и да создаде основа за долгорочна стабилност“, нагласи Макрон.
Тој, исто така, објави дека Франција и Саудиска Арабија наскоро ќе организираат меѓународна конференција за Газа во Њујорк, со цел да се даде нов поттик за признавање на две држави – и палестинска држава и држава Израел со право да живее во мир и безбедност во регионот.
Зборовите на францускиот претседател доаѓаат во чувствителен момент, кога голем број земји во Европа разговараат за можното признавање на Палестина, додека тензиите во регионот остануваат високи, а хуманитарната ситуација во Газа е критична.
Во меѓувреме, Израел предупреди дека може да одговори со анексирање на делови од Западниот Брег доколку клучните европски земји еднострано ја признаат палестинската држава.
Израел се заканува со окупација на дел од палестинскиот Западен Брег