„Иран Интернешнл“, медиум поврзан со иранската опозиција, тврди дека најмалку 12.000 луѓе се убиени во задушувањето на протестите во Иран, нарекувајќи ги настаните „најсмртоносната епизода во модерната иранска историја“.
Оваа информација ја сподели и Си-Би-Ес њуз
Според истрагата на уредничкиот одбор на „Иран Интернешнл“, поголемиот дел од убиствата се случиле во текот на две последователни ноќи, на 8 и 9 јануари.
Бројките се базираат на извори од Врховниот совет за национална безбедност на Иран, медицински центри и изјави на очевидци.
Доколку се потврди бројката од 12.000, таа би го надминала бројот на жртви од протестите во ноември 2019 година (познати како „Крвав ноември“), кога беа убиени околу 1.500 луѓе.