Францускиот премиер Себастијан Лекорну и неговата влада денес поднесоа оставка, само неколку часа откако премиерот го именуваше својот кабинет, соопшти канцеларијата на францускиот претседател Емануел Макрон, јавуваат медиуми.
Елисејската палата издаде соопштение откако Лекорну утрово одржа едночасовен состанок со претседателот Емануел Макрон.
Изненадувачкиот потег доаѓа само 26 дена откако Лекорну беше именуван за премиер, по падот на претходната влада на Франсоа Бајру.
Неколку партии во Националното собрание остро го критикуваа составот на кабинетот на Лекорну, кој во голема мера остана ист како оној на Бајру, и се заканија дека ќе го соборат со гласање.