Тема: маркети

Храната „ja изеде“ работничката плата, секој месец е сè поскапо – има ли крај на тоа?!

Поскапа за 921 денар е првата годинешна минимална синдикална кошница. Најосновните јануарски потреби на четиричлено семејство чинеле 66.413 денари. Трошоците за храна и пијалаци, кои зафаќаат 36,6 проценти од месечните давачки, достигнале 24.211 денари. Од декемвриските се повисоки за 571 денар. И безмалку сосема се поклопуваат со минималната плата од 24.397 денари.

Храната и пијалоците поевтинуваат, велат надлежните – граѓаните реагираат: Секој ден има нови повисоки цени

Министерството за економија и труд засега не гледа причина да реагира во однос на цените на храната затоа што во декември цените биле намалени за 0,4 проценти. Доколку има енормно зголемување на цените, вели министерот за економија Бесар Дурмиши, ќе реагираат и ќе се преземат мерки.

Јајцата поевтинија, но што ќе биде со цената на лебот?!

Се стабилизираат состојбите на пазарот за јајца во Европа што резултираше со намалени цени на јајцата и во нашата земја, изјави заменик министерот за економија и труд Марјан Ристески по забележителниот пад на цената на јајцата на домашниот пазар во просек за 40-тина денари. Падот на цената во некои маркети беше забележан и пред Нова година, а денеска и на повеќето продажни места.

Трошоците за живот за еден месец пораснале за 0,4%, на што се должи тоа и ќе има ли затворање на дуќани?!

Властите веќе посочија дека нема да носат краткорочни мерки кои ќе ја зауздаат инфлацијата која е двојно повисоко од речиси половина држави од ЕУ со образложение дека ад-хок мерки не даваат резултати на долг рок.

Инфлацијата за 2025 изнесувала 4,1%, што ќе донесе 2026 година?!

Инфлација од 4,1 отсто на годишно ниво измери статистиката. За една година најголем скок на цените е регистриран кај храната и безалхохолните пијалаци, но значително поскапеле и рестораните и хотелите, како и културата и рекреацијата. Цените на мало, пак, бележат скок од 3,6 отсто во 2025 во споредба со 2024-тата. Поскапело речиси се, на секое поле.

Дали ќе поскапи храната во пресрет на празниците?!

Министерот Дурмиши најави силна економска агенда на Министерството за економија и труд во 2026 година и пред сè, старт на два многу важни економски закони Законот за вработување на сезонски работници и Законот за финансиска поддршка на инвестициите.

Евростат: Во Македонија има најевтина храна од цела Европа, ама и најниски плати

Освен Македонија и Романија, Турција (75,7 евра), Босна и Херцеговина (82,5 евра), Црна Гора (82,6 евра) и Бугарија (87,1 евра) се далеку под просекот на ЕУ. Србија (95,7 евра) и Албанија (98,7 евра) се исто така поевтини од ЕУ. Меѓу „Големата четворка“ на ЕУ, цените на храната се повисоки од просекот на ЕУ и во Италија (104 евра) и Германија (102,9 евра). Шпанија (94,6 евра) е за 5,4% поевтина од ЕУ.

Нема Новогодишна кошница – таквите мерки имале само привремен ефект, велат од Влада

Државниот пазарен инспекторат повторно ќе излезе на терен заедно со Комисијата на заштита на конкурентност, уште еднаш да направат детална инспекција на маркетите и да се констатира нивното однесување. Сепак, тоа не значи и дека Владата ќе воведе мерки за заштита на потрошувачите.

(Фото): Инфлацијата порасна на 4% – храната и безалкохолните пијалаци поскапеа за 5,4%

Инфлацијата мерена преку индексот на трошоците на животот во ноември изнесува 4%, а индексот на цените на мало бележи раст од 3%, покажуваат податоците на Државниот завод за статистика. Цените на мало во ноември 2025 година во однос на октомври 2025 година пораснале за 0,6%.

Ја почитуваме одлуката на КЗК – казната е плод на претходното раководство, велат од ССК

Казната која ја доби Сојузот на стопански комори за вмешаноста во картелското здружување на маркетите е големо нарушување на угледот на комората, се огласи новото раководство на ова бизнис здружение. Од ССК велат дека екс раководната структура не ги почитувала структурите и го прекршила статутот на комората и затоа сега ќе се сносат последици. 

Намерно ја поскапувале храната – Казни од 50.000 евра за четири маркети оти договарале цени

Казни за четири фирми и ССК – се договориле да не прифаќаат нови или зголемени цени од добавувачите. Поради тоа, секое од трговските друштва е казнето со по 50.000 евра, додека висината на казната што се однесува за Сојузот на стопански комори кои биле главните координатори на целата акција е 18,585 илјади евра.

Најнови вести

To top