Македонија

ВМРО ДПМНЕ: Чекориме кон победа на локалните избори, нашите 42 градоначалници покажаа дека може да се управува со општините без криминал

„Довербата од граѓаните е нашата сила!“ – порачува ВМРО ДПМНЕ.

2 минути за читање

„Сите 42 градоначалници од ВМРО-ДПМНЕ покажаа дека 4 години може да се управува европски со општините европски. ВМРО-ДПМНЕ за четири години локална власт покажа дека општините може да се управуваат без афери, без криминал, злоупотреба на народни пари. ВМРО ДПМНЕ сега чекори кон историска победа на локалните избори закажани за 19 октомври.“ – соопшти владејачката партија. 

Натаму во своето соопштение ВМРО ДПМНЕ истакнува: На крајот на четвртата година од претходните локални избори, кои се одржаа во 2021 година, 42 градоначалници од ВМРО-ДПМНЕ покажаа дека можат да управуваат со општините на европски начин. Оттука, ВМРО-ДПМНЕ сериозно се подготвува за претстојните локални избори, закажани за 19 октомври. Целта е, како што вели и претседателот на партијата Христијан Мицкоски, да се постигне историски резултат, по кој уште посилно ќе се продолжи со работа на веќе започнатата реформска агенда.

Со историска победа само ќе продолжи периодот на реформи и обнова на сите локални самоуправи во Македонија, ќе продолжи периодот на креирање на дополнителна функционалност на општините. За досегашната реформска агенда кажуваат бројките на реализирани проекти. Во периодот од 4 години се изградија и се реконструираа улици и патишта во вкупна должина од повеќе од 770 километри, во што се вложени околу 100 милиони евра. Направени се нови водоводи со дрлжина од речиси 47 илјади метри, а канализации со должина од повеќе од 91 илјади метри.

Заради осовременување на општините, изградени се, или се во завршна фаза, се седум пазари од затворен тип како оној во Штип, Велес, Радовиш. Направени се инвестиции за најмладите, реконструирани и модернизирани се околу 400 училишта низ Македонија. Завршени се, или се во завршна фаза, околу 280 спортски игралишта и детски рекреативни терени. На голем број училишта се поставени фотоволтаици, а во голем број на општини обезбедена е бесплатна храна за децата од прво до петто одделение. Ова е се само дел од сработеното за четири години.

По историската победа, која се очекува оваа есен, ВМРО-ДПМНЕ ќе продолжи со уште посилно темпо на реализација на проекти, кои го подобруваат квалитетот на животот на секој граѓанин. Довербата од граѓаните е нашата сила.“ – порачува на крајот од своето соопштение ВМРО-ДПМНЕ.

Поврзани теми:

ВМРО-ДПМНЕ|локални избори|доверба|граѓани|европско управување со македонските општини

Повеќе на оваа тема:

Најнови вести од: Македонија

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.

Мицкоски: Очекувам во јунскиот извештај на ЕУ да бидеме најдобри исто како во декемврискиот, има уште време за разговори со опозицијата за изборниот закон

Премиерот Христијан Мицкоски денеска повтори дека очекува во јунскиот извештај на ЕУ да бидеме најдобри исто како и во декемврискиот. Тој уште еднаш повика на разговори со опозицијата за Изборниот законик, за што кажа дека се уште има шанса да биде донесен и да биде исполнет и десетиот чекор од зададениот грејс период.

Денес се одбележуваат великото дело и личноста на Свети Наум Охридски, еден од основоположниците на македонската и сесловенската писменост (1)

Денес Македонската православна црква – Охридска Архиепископија и сиот македонски народ, не само оние, кои се православни христијански верници, го одбележуваат црковно-народниот празник, посветен на личноста и великото дело на Свети Наум Охридски – Чудотворец, еден од основоположниците на македонската и сесловенската писменост и просвета, заедно со светите браќа Кирил и Методиј, како и со Св. Климент. Свети Наум Охридски останува запаметен како исцелител и просветител на македонскиот народ, но како и заштитник на манастирот „Св. Наум“ во Охрид. Охридската книжевна школа, како најстара средновековна македонска книжевна школа, е формирана во 886 година од Свети Климент Охридски. Во 893 година на Климент му се придружува Свети Наум Охридски, откако Климент е назначен како епископ. Во рамките на Охридската книжевна школа биле обучени повеќе од 3.500 ученици и таа одиграла клучна улога во описменувањето, како и во ширењето на македонската и словенската писменост и култура.
Сите вести од Македонија

Најнови вести

To top