Актуелсиот собраниски спикер Африм Гаши, во објава на Фејсбук, објави дека ова била посебна средба, прва од ваков вид, со институционален карактер, каде што споделиле вредни искуства и идеи за иднината на Собранието како важна институција на државата.
Но на фтографиите споделени на Фејсбук забележително е отсуството на Талат Џафери…
„Претседателот Гаши информираше дека на средбата било предложено да се создаде неформален совет каде што ќе се разменуваат идеи и искуства без политичко влијание.
„Разговаравме за реформите и процесите насочени кон тоа Собранието да стане понезависно, потранспарентно и поефикасно во извршувањето на своите функции. Се согласивме дека искуството на поранешните претседатели на парламентите е предност за институцијата, затоа беше предложено создавање неформален совет, каде што можат да се разменуваат идеи и искуства без политичко влијание, во корист на Собранието и парламентарната демократија.
Искрено им се заблагодарив за нивното учество и подготвеност за соработка. Собранието секогаш ќе остане заеднички дом за сите граѓани и место каде што политичките процеси се развиваат со достоинство и одговорност“, вели Гаши во објавата.
