Бизнис

Швајцарски и македонски компании на заеднички форум во Стопанската комора за нови деловни можности и инвестиции

Соработка

2 минути за читање

„Поврзување на Швајцарија и Македонија: Деловен раст и партнерства“ е темата на деловниот форум што ќе се одржи утре (вторник), на 11 ноември 2025 година, од 9:00 до 13:30 часот во Стопанската комора на Македонија.

Настанот има за цел да поттикне деловна размена, инвестиции и развој на нови партнерства меѓу швајцарските и македонските компании, преку размена на искуства, идеи и визии за иднината на двете економии. Воведни обраќања ќе имаат Бранко Азески, претседател на Стопанската комора на  Македонија, Н.Е. Кристоф Зомер, амбасадор на Швајцарија во Македонија и Оливер Бертшингер, претседател и извршен директор на Стопанската комора на Швајцарија и Средна Европа – СЕЦ.

Во рамките на форумот ќе се дискутира за пазарните изгледи и можности за влез на швајцарскиот пазар, правните аспекти и трговските спогодби меѓу двете држави, како и за потенцијалот за нови инвестиции, технолошка соработка и извозни иницијативи.

На панел-дискусијата за потенцијалот за бизнис, трговија и инвестиции меѓу Македонија и Швајцарија ќе учествуваат д-р Андреј Вчковски, основач и поранешен главен извршен директор на Netcetera и член на Одборот на директори на Switzerland Global Enterprise, Димитар Цветковски, претседател на Одборот на директори на Макстил АД и Дуферко СА, Игор Тодорчевски, генерален директор на Alkaloidpharm Corp. (Швајцарија) и Даниел Матракоски, експерт за меѓународна соработка во СКСМ. Настанот е заеднички организиран од Стопанската комора на Македонија и Стопанската комора на Швајцарија и Средна Европа (СЕЦ), со поддршка на Амбасадата на Швајцарија во Скопје.

Поврзани теми:

Македонија|економија|бизниси|Стопанска комора|идеи|Швајварија|стопанственици|инвестиции|актуелно

Повеќе на оваа тема:

Најнови вести од: Бизнис

Од сега нови правила за мали пакети вон ЕУ

Европската Унија го укина ослободувањето од царински давачки за пратки во вредност помала од 150 евра, што значи дека потрошувачите што купуваат евтина стока од земји надвор од ЕУ ќе плаќаат повеќе во иднина. Според новите правила, за секоја категорија стока во пратката ќе се наплаќа паушална царинска давачка од три евра.

(Видео): „Лидл“ во Македонија инвестира 200 милиони евра, првите маркети се очекуваат за Нова година, рече Николоски

Во Македонија наскоро ќе бидат отворени првите маркети на „Лидл“, што ќе донесе значителни придобивки за домашните земјоделци и ќе подобри бизнис климата, потенцира заменик-претседателот на Владата Александар Николоски при поставувањето на камен темелник во Струмица.

Народна банка: Употребата на дигиталните канали за плаќања на граѓаните со раст во првиот квартал од 2026

Граѓаните сè повеќе ги користат дигиталните канали за плаќање, покажуваат податоците за првиот квартал од 2026 година. Плаќањата со платни налози бележат раст од 10,3 проценти кај бројот на трансакциите и 14,6 проценти кај нивната вредност во споредба со истиот период лани, информираат од Народна банка.

Во училиште треба да има посебен предмет за финансиска едукација – ризиците се големи, вели главната економистка во НБРМ

Народната банка презема активности за подобрување на финансиската писменост на населението од сите возрасни групи, со посебен акцент на младите кои се во фаза на образование.

(Фото): Над 2.800 апликации за грантови за отворање на сопствен бизнис, инфо-денови во Ресен, Охрид и Кичево

Голем интерес има за јавните повици од мерката за Претприемништво – Самовработување со грант од Оперативниот план Оперативниот план за активни програми и мерки за вработување и услуги на пазарот на трудот за 2026 година, а минатата недела се пристигнати над 2.800 апликации, информираат од Министерството за економија и труд.

Модернизација на Железницата – Ќе се купуваат нови возови и електрични локомотиви

Со грант од еден милион евра од Светската банка почнува процесот на реформирање и модернизација на „МЖ-Транспорт“. Средствата се наменети за преструктурирање на претпријатието, додека паралелно се најавува набавка на нови патнички возови и најмалку пет електрични локомотиви.
Сите вести од Бизнис

Најнови вести

To top