Бугарскиот парламент на прво читање едногласно усвои предлог за измени во Законот за работни односи, со кој родителите на деца до 12 години за време на летниот распуст ќе можат да работат со скратено работно време или од далечина.
Предлогот, поднесен од Деница Сачева (ГЕРБ-СДС) и група пратеници, беше поддржан со 181 глас „за“.
Досегашниот закон овозможуваше флексибилно работно време само за родители на деца до осум години. Со новите измени, ова право се проширува на родители и старатели на деца до 12 години, но исклучиво во периодот на летниот училишен распуст.