„Благодарам најпрвин на вас медиумите што сте тука денеска со нас да можете да го документирате ова што денеска го гледаме, рече во своето обраќање претседателот на владата, Христијан Мицкоски.
Градоначалникот и министерот за внатрешни работи кажаа тоа што е важно да се каже односно каде работеле повеќе од 30 години полициските службеници, што ќе се случува на местото на тие бараки, паркот, културниот мултифункционален дом или сето она што треба да се направи претставува додадена вредност овде во Бутел. Генерално сите оние технички параметри беа кажани, јас само сакам да им се заблагодарам на полициските службеници на нивното трпение коишто го имале изминативе децении, некои таму почнале да работат и се пензионирале во оние услови, видовте каде работеле, тоа се стандарди на се личат само не на зграда на полициска станица. Треба многу трпение сето тоа да се издржи и да се одговори на задачите коишто биле секојдневни, така што голема благодарност до нив за трпението. Благодарност нормално до министерот, до министерот за социјална политика, демографија и млади, до заменикот до градоначалникот на Општина Бутел што сето ова го направија заеднички, Министерството за внатрешни работи, Министерството за социјална политика, демографија и млади, Општина Бутел, Владата во целиот овој процес се разбира како нераскинлив дел, ние и понатаму ќе продолжиме да поддржуваме вакви проекти и се надевам дека се помалку вакви отворени позиции ќе има во државата коишто ќе треба да се решаваат секојдневно, истакна Мицкоски.
Така што уште еднаш благодарност до министерот за внатрешни работи, министерот и заменикот во Министерството за социјална политика, демографија и млади, до Општина Бутел и до сите страни коишто беа вклучени и најголема благодарност до трпението на полициските службеници кои работеле во овие услови изминативе неколку децении, додаде Мицкоски.