Германската влада планира да воведе воен рок, кој првично би се базирал на доброволна основа.
Како што објавија неколку германски медиуми, повикувајќи се на извори во Бундестагот, министерот за одбрана Борис Писториус (Социјалдемократска партија на Германија, СПД ) пред група парламентарни претставници претстави нацрт-закон за воена обврска што би се базирала на доброволност.
Законот предвидува скратена доброволна воена служба од шест месеци, која може да се продолжи по лично барање на регрутот. Шестмесечната ротација, како што е наведено, овозможува обука на поголем број војници од сегашната дванаесетмесечна воена служба.
Според медиуми, нацрт-законот предвидува повторно воведување на задолжителен воен рок, ако има потреба.
Прашалниците кои се користеле за регрутирање на нови доброволни регрути биле дистрибуирани до сите членови на геенрацијата, кои потоа се изјаснувале дали се подготвени за воена служба или не. За мажите пополнување на прашалникот било задолжително, додека за жените не.
Задолжителната воена служба беше укината во 2011 година поради неуставност, бидејќи не беше можно да се овозможи на сите членови на една генерација да служат во војската.