Бизнис

Нема повеќе профит врз грбот на граѓаните, Владата воведува ред на пазарот

Анализите во минатите години покажаа дека поради сивата економија државата губи милиони евра годишно. Само државниот буџет секоја година губи околу половина милијарда евра коишто би можеле да се инвестираат во здравството, образованието или инфраструктурата.

3 минути за читање

Владата најавува засилена борба против сивата економија во Македонија. Целта е неформалната економија да се намали од 28,9% на 26% од БДП до крајот на 2027 година. „Ќе бидеме и цврсти и праведни и кон оние што избегнуваат обврски и кон оние што се обидуваат да профитираат од кризите. Нашата цел е економија со ред, пазар со правила и држава со достоинство“, изјави премиерот Христијан Мицкоски на конференцијата „Формализација на неформалната економија: Преку соработка до успех“ во Скопје.

Нашата политика е јасна: стабилни јавни финансии и заштитен животен стандард. Ќе продолжиме со дисциплината во приходите, со одговорноста во трошењето и со чувствителноста кон реалните потреби на граѓаните, порача премиерот Христијан Мицкоски. Тој упати остра порака до сите што работат во „сенка“ и оние што користат шпекулативни методи за зголемување на цените и нагласи дека државата нема да дозволи чесните да бидат казнувани, а нечесните да профитираат.

Тој укажа дека сивата економија е загубен приход за државата, загубена можност за повисоки плати, подобри болници, модерни училишта, посигурни пензии.

  • Таа создава нелојална конкуренција, ја руши довербата во институциите и го демотивира секој што работи чесно. Нашата цел е јасна: формалната економија да стане попривлечна од неформалната, да биде полесно, поисплатливо и посигурно да се работи легално – рече Мицкоски, истакнувајќи дека борбата против сивата економија не може да биде само инспекциска туку и системска.

Министерката за финансии, Гордана Димитриеска-Кочоска, истакна дека со ревидираниот акциски план за 2026-2027 ќе се постави јасна и мерлива цел за намалување на неформалната економија од 28,9 проценти на 26 проценти од БДП до крајот на 2027 година. Министерот за економија и труд, Бесар Дурмиши, истакна дека неформалната економија е сложен и долгорочен предизвик што ја нарушува конкуренцијата, ги оштетува работниците и го намалува фискалниот капацитет на државата.

  • Секој компромис со сивата економија значи понизок економски раст, помалку јавни услуги и послаб квалитет на животот. Затоа ни се потребни системски, конзистентни и одржливи решенија – потенцираше министерот.

Министерството за економија и труд годинава обезбеди 40 милиони евра за новиот оперативен план за вработување, со мерки насочени кон формализација на работата и отворање нови работни места. Дополнително, донесен е Законот за работно ангажирање лица, чија цел е формализирање на одредени форми на работа и приспособување на законската рамка на реалните потреби на пазарот на трудот. Од 1 јануари 2026 година започнува и примената на Законот за финансиска поддршка на инвестициите, со кој се стимулираат компаниите што инвестираат, отвораат нови работни места и остваруваат раст.

Поврзани теми:

Македонија|влада|Мицкоски|бизнис|економија|буџет|актулено|финансии|можности

Повеќе на оваа тема:

Најнови вести од: Бизнис

Родот стои, а купувачи нема – расте бојот на земјоделци кои продаваат директно од нива

Домашните земјоделци повторно се соочуваат со проблемот каде и како да го продадат произведеното овошје и зеленчук. Наместо производите да стигнат до маркетите, дел од производителите ги нудат директно од нивите, бидејќи откупот и пласманот остануваат неизвесни. Проблемот со пласманот и цените со години е една од најголемите грижи за земјоделците во земјава.

Новите инвестиции доказ дека Македонија е сè поатрактивна за вложување на капитал

ВМРО-ДПМНЕ посочува дека новите ифабрики и странски инвестиции се потврда дека со политките на Владата Македонија станува сè поатрактивна за инвестирање. „Брејнчајлд“ и „Магна Мехатроникс“ веќе почнаа со работа, а „Амфенол“ и „Гемтерм“ најавуваат нови вработувања, се наведува во соопштенето заедно со бројки за вредноста на инвестициите и новите работни места.

Прометот на Македонска берза падна за 53,78%, „Алкалоид“ со најголем раст

И покрај послабата берзанска активност, акциите на „Алкалоид“ забележаа најголем неделен раст од 9,37 отсто. Позитивно движење имаа и „Гранит“, со раст од 2,6 отсто, како и „Македонски Телеком“, чии акции поскапеа за 2 отсто.

АД ЕСМ ќе купува јаглен од косовската КЕК во следните три години

АД ЕСМ  согласно владина одлука,  потпиша стратешки договор со косовската државна енергетска корпорација КЕК за експлоатација на околу три милиони тони јаглен од рудникот Обилиќ во наредните три години по гарантирана фиксна цена од 24, 4 евра за тон, соопшти компанијата. Договорот официјално го потпишаа генералниот директор на АД ЕСМ, Лазо Узунчев, и генералниот директор на КЕК, Грамос Хашани.

Продолжува поставувањето на батериски системи – клучен чекор во енергетската транзиција

Батериските системи на ФЕРОИНВЕСТ, на сопствените електрани и на електрани на клиенти,  се реално поставени, поврзани на мрежа, стекнати со сите дозволи, и веќе подолг период работат и се дел од комерцијална експлоатација без никаква техничка или административна пречка.

„Макпетрол“ со 17,83 милијарди денари приходи и 475 милиони денари добивка во првото полугодие

На годишното собрание на акционери во мај 2026 година е донесена и одлука за исплата на дивиденда за 2025 година во вкупен бруто-износ од 467,3 милиони денари, односно 4.620 денари бруто по акција, со рок за исплата најдоцна до 30 септември 2026 година.
Сите вести од Бизнис

Најнови вести

To top