Бизнис

Предлог-законот за минималната плата не ја помина матичната собраниска комисија

Законските измени за раст на минималната плата на 600 евра, кој ги предложи СДСМ не поминаа на матичната Комисија за економски прашања, труд и енергетска политика, ниту на законодавно – правната. Не помина ниту предлогот за трипартитен дијалог, односно јавна расправа пред пратениците во Собранието меѓу работодавачите, синдикатите и Владата.

3 минути за читање

Предлог-законот за измени и дополнувања на Законот за минимална плата со кој ќе се зголеми минималната плата на 600 евра, предложен од опозициската СДСМ и коалициските партнери, денес беше на дневен ред на собраниската Комисијата за економски прашања, труд и енергетика. Пратениците на опозицијата пратија многубројни апели да не се размислува за политиката туку за животниот стандард на населението. Пратениците од опозицијата не беа расположени да дебатираат на оваа тема. Епилогот беше неизгласување на предлогот овој Предлог-закон да оди на понатамошно читање.

Членовите на собраниската Комисија не го прифатија ниту предлогот на координаторот на пратеничката група на СДСМ, Оливер Спасовски, за одржување јавна расправа и обид за постигнување договор меѓу трите засегнати страни за зголемување на минималната плата. Со предложениот закон се бараше минималната плата во државава да изнесува 36 960 денари (600 евра) за периодот од март 2026 до март 2027 година.

Законот го образложи координаторот Спасовски, кој кажа дека претставува продолжение на континуираниот раст на минималната плата што започна системски во 2017 година. Спасовски побара консензус од сите парламентарни партии за изгласување на овој предлог-закон за да се слушне работничкиот глас.

Пратениците од власта не дебатираа на комисиските расправи. Само пратеникот од ЗНАМ, Миле Цеков искажа личен став дека минималната плата треба да се зголеми. По него за збор се јави пратеникот Миле Цеков од ЗНАМ, кој рече дека ќе го поддржи овој предлог-закон, и го искажа својот став велејќи дека целосно е свесен во каква состојба се наоѓаат граѓаните што примаат минимална плата и затоа верува дека сите ќе се согласат дека тие не се само ставка во табела туку во сурова реалност.

Фатмир Битиќи од СДСМ повика „да застанеме зад трудот“. Тој посочи на фактот дека во февруари синдикалната кошничка е 61.702, односно 920 денари повеќе отколку во јануари.

  • Сега за покривање на синдикалната кошничка се потребни 2,76 минимални плати. Ако двајца работат со минимална плата, недостасуваат 18.224 денари – потенцираше Битиќи. Притоа, како што посочи, не треба да се зголемат само платите, туку да се создаде систем околу тие плати – да има навремен поврат на ДДВ кон компаниите, да има борба против сивата економија, поголеми инспекциски надзори на терен.

Јованка Тренчевска од СДСМ посочи дека воведувањето и континуирано зголемување на минималната плата е една од најважните социјално-економски политики насочени кон заштита на стандардот на граѓаните. Таа потсети дека како политичка одлука во 2022 година минималната плата пораснала на 18.000 денари.

Инаку, Сојузот на синдикатите на Македонија остави рок на Владата и работодавачите до крајот на февруари да се договорат за зголемувањето на минималната плата на 600 евра, или пак ќе излезат на улица.

Поврзани теми:

комисија|минималец|грасање|актуелно|ЗНАм|СДСМ|ВМРО-ДПМНЕ|Собрание|плати|пратеници

Повеќе на оваа тема:

Најнови вести од: Бизнис

(Видео): Јавниот долг во првиот квартал е 58,9% од БДП, рече министерката за финансии

Министерката за финансии, Гордана Димитриеска-Кочоска е задоволна од наплатата на даноците. Како што рече, по отчетот за сработеното во изминатите две години, јуни има сериозен раст на сите даночни приходи

Николоски: Над 4 милиони евра се инвестира во општина Неготино преку министерството за транспорт

Во моментот преку програми што се од Владата преку Министерството за транспорт се инвестираат околку 246 милиони денари или над 4 милиони евра во изградба на улици, на водоводни и канализациони системи, паркови, кружен тек, плоштад

Од сега нови правила за мали пакети вон ЕУ

Европската Унија го укина ослободувањето од царински давачки за пратки во вредност помала од 150 евра, што значи дека потрошувачите што купуваат евтина стока од земји надвор од ЕУ ќе плаќаат повеќе во иднина. Според новите правила, за секоја категорија стока во пратката ќе се наплаќа паушална царинска давачка од три евра.

(Видео): „Лидл“ во Македонија инвестира 200 милиони евра, првите маркети се очекуваат за Нова година, рече Николоски

Во Македонија наскоро ќе бидат отворени првите маркети на „Лидл“, што ќе донесе значителни придобивки за домашните земјоделци и ќе подобри бизнис климата, потенцира заменик-претседателот на Владата Александар Николоски при поставувањето на камен темелник во Струмица.

Народна банка: Употребата на дигиталните канали за плаќања на граѓаните со раст во првиот квартал од 2026

Граѓаните сè повеќе ги користат дигиталните канали за плаќање, покажуваат податоците за првиот квартал од 2026 година. Плаќањата со платни налози бележат раст од 10,3 проценти кај бројот на трансакциите и 14,6 проценти кај нивната вредност во споредба со истиот период лани, информираат од Народна банка.

Во училиште треба да има посебен предмет за финансиска едукација – ризиците се големи, вели главната економистка во НБРМ

Народната банка презема активности за подобрување на финансиската писменост на населението од сите возрасни групи, со посебен акцент на младите кои се во фаза на образование.
Сите вести од Бизнис

Најнови вести

To top