Свет

Зеленски сака да се сретне со Путин

Зеленски не гледа подготвеност на Русија да ја заврши војната, о САД веруваат дека Владимир Путин, бара начин да ја заврши, што укажува на разлика во позициите на двете страни

 

Украинскиот претседател изјави дека Украина сериозно ги сфаќа мировните преговори со Русија и дека дискусиите би биле поефикасни доколку се водат на ниво на национални лидери.

„Украинците сериозно ги сфаќаат преговорите. Веруваме дека разговорите се неопходни – по можност на ниво на лидери – и сме подготвени за тоа. Русите бараат конечно решение за воена акција: Украина да ги прифати нивните услови, вклучително и повлекување на украинските вооружени сили од територијата што ја контролираме во регионите Донецк и Луганск“, изјави Зеленски за Ројтерс, според весникот „Украинска правда“.

Тој додаде дека двете страни разбираат уште колку руски сили требаат за да ја преземат таа територија, со месечни загуби од 28.000 до 35.000 војници.

„И сè уште не е сигурно дека ќе можат да ја преземат. Тие би можеле да закопаат од 300.000 до еден милион свои војници таму.“

Украинскиот лидер истакна дека Кремљ не разбира целосно како јавноста ќе реагира на ваквите загуби и дали луѓето на крајот ќе ги прифатат, бидејќи станува збор за територија од „само 6.000 квадратни километри“.

Во јануари, украинскиот министер за надворешни работи Андриј Сибиха изјави дека Зеленски е подготвен да се сретне со Владимир Путин за да реши две клучни прашања во мировните преговори: територијалните спорови и статусот на нуклеарната централа Запорожје.

Зеленски, исто така, рече дека Украина не гледа подготвеност на Русија да ја заврши војната и повика на зголемен притисок врз Москва.

Од друга страна, САД веруваат дека лидерот на Кремљ, Владимир Путин, бара начин да ја заврши војната, што укажува на разлика во позициите на двете страни.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top