Македонија

Ако таткото нè малтретирал 30 години на различни позиции, сега доаѓа синот… (ВИДЕО)

Генезата во партијата СДСМ е илузорно чувство дека тие имаат наследно право да владеат со оваа држава, вели во НАТКАСТ пратеникот на ВМРО-ДПМНЕ, Бојан Стојаноски

Коментирајќи го однесувањето на градоначалникот на Крива Паланка кој вчера беше објавено дека глумел локален шериф, пратеникот  Стојановски го објаснува концептот на функционирање во СДСМ.

Градоначалник влегол во полициска станица да одземе возило предмет на кривично дело

„Такво прикажување на моќ на градоначалник е само продолжение на нивниот нарав. Ова само укажува на тоа што тие луѓе ќе прават сега ако ги запоседнат институциите. Имаше услови во кои министер за социјална политика ги бркаше пензионерите и сега истиот тој министер шета по телевизиите и кажува дека требало да се имплементираат некакви антикризни мерки и дека народот живее лошо…

Таму тие кога ќе седнат на тоа претседателство или состанок, тие не размислуваат колку сме одговорни пред граѓаните и каква мерка ќе преземеме за овој народ да живее подобро туку тие размислуваат што да излажеме денес, колку повеќе да сме неискрени со народот, како денеска овој ден политички да го преживееме, како да пуштиме некој балон во јавноста, како да ги излажеме граѓаните и да ги доведеме во заблуда, за да кога ќе ги запоседнеме институциите да го правиме тоа што го правиме – лиценци за марихуана, отворање на бизниси, притисок кон судство и обвинителство за да можат бизнисите да дојдат во нивни раце, страв, трепет и притискање на политички противник. Тоа е нивната понуда.

Во СДСМ ништо се нема променето, никаква нова политичка парадигма се нема инсталирано во таа партија. Истите луѓе, истите политики, истото потценување, истата лажна самодоверба и истиот криминалитет, рече Стојаноски во гостување на Алфа ТВ.

„-Тие тоа го подаваат на генерациски колена. Ако таткото нè малтретирал 30 години на различни позиции, сега доаѓа синот да биде креатор на различни политики“, вели Стојановски и додава дека дека однесувањето на поединци од СДСМ не е изолиран случај.

Најнови вести од: Македонија

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

УКИМ не платил сметки за струја, ако не се плати долгот – факултетите ќе останат во мрак

Дел од државните факултети и Ректоратот од утринава се во мрак поради неплатени сметки за електрична енергија. Ова за Телма го потврдија и од ЕВН. Без струја останаа Машинскиот, Електротехничкиот, Природно – математичкиот, земјоделскиот факултет, но и зградата на Ректоратот.

Велковски: Во владина постапка се измените на Законот за детска заштита, од 2027 поголема поддршка за децата со посебни потреби

Измените на Законот за детска заштита веќе се во владина процедура, каде се предвидува зголемување на постоечките државни износи за поддршка, со посебен фокус на децата со посебни потреби, изјави министерот за труд и социјална политика и млади, Ѓоко Велковски одговарајќи на пратенички прашања во Собранието, нагласувајќи дека се очекува овие измени брзо да ја поминат собраниската процедура и од 1 јануари 2027 година децата од оваа категорија да добијат зголемени средства.

Николоски: Од 1 јануари 2027 државата ќе биде единствен организатор на интернет-игрите на среќа и ВЛТ терминалите

Владата останува на ставот за ограничување на игрите на среќа и веќе презеде конкретни законски мерки со кои се намалуваат можностите за нивно организирање, истакна заменик претседателот на Владата и министер за транспорт, Александар Николоски, одговарајќи на пратеничко прашање на Јована Мојсоска од Левица поврзано со работењето на Државна лотарија, односно дали Владата ќе иницира разрешување на директорот на Државна лотарија, Александар Климовски, како и дали ќе биде затворена платформата за онлајн коцкање „Мегавин“.

To top