Македонската навигација ги има едни од најтешките работни позиции – чување на македонското небо – но и најдобро платени во Македонија, објави „Фактор“.
Во 2024 година, просечната нето-плата изнесувала 170.000 денари.
Платите биле високи и претходните години – во 2023 година, просекот бил 151 илјада, додека пак во 2022 година, имало просечна нето плата од 155 илјади денари.
Македонската навигација одлично котира и кај добивката. Во 2022 година, имале добивка од 137 милиони денари. Во 2023 година, добивката скокнала и изнесувала 256 милиони денари, а во 2024 година , сумата била пониска од претходната година – 159 милиони денари.
Според податоците, во Македонски навигации лани имало 309 вработени.