Македонија

УХМР најавува посилно невреме: Пороен дожд и грмежи денеска

Во изминатите 24 часа, заклучно со 8 часот утрово, во повеќе делови од земјата се регистрирани врнежи од дожд со различен интензитет, покажуваат податоците од метеоролошките мерења.

1 минута за читање

Во изминатите 24 часа, заклучно со 8 часот утрово, во повеќе делови од земјата се регистрирани врнежи од дожд со различен интензитет, покажуваат податоците од метеоролошките мерења.

Најмногу дожд наврнал во Битола, 26 литри на метар квадратен, по што следуваат Демир Капија со 24 литри, Виница со 21, Лазарополе со 17 и Берово со 14 литри. Во Крива Паланка се измерени 13 литри, во Гевгелија 8, додека во Скопје – Петровец 2 литри на метар квадратен. Најмалку врнежи се забележани во Кавадарци, Крушево и Маврови Анови, каде се измерени по 1 литар.

Од Управата за хидрометеоролошки работи информираат дека и денеска земјата ќе биде под влијание на нестабилна воздушна маса со појава на дожд, грмежи и засилен ветер.

Локално се очекуваат поинтензивни процеси со пороен дожд, електрични празнења, силни налети на ветер и можност за појава на град, поради зголемената енергија во атмосферата. Максималните дневни температури ќе се движат од 27 до 35 степени Целзиусови.

Во Скопје времето ќе биде променливо и нестабилно, со повремени врнежи од дожд и грмежи. Во делови од котлината постојат услови за краткотрајно невреме, а температурата ќе достигне до 32 степени.

Поврзани теми:

избор|време|дожд|врнежи

Повеќе на оваа тема:

Најнови вести од: Македонија

Генијалниот 11-годишник Македон Димитровски, еден од најперспективните млади таленти од регионот, се вброи меѓу најпаметните деца во светот

Македон Димитровски (11) од Македонија постигна исклучителен резултат на американскиот SAT тест – 1440 поени, при што 740 поени освоил по математика и 700 поени по англиски јазик. Станува збор за тест кој е стандардна приемна проверка за запишување на универзитети во САД и се користи за оценување на академската подготвеност на средношколци. Според објавата на неговото семејство, овој резултат го става меѓу највисоко рангираните ученици на негова возраст на глобално ниво, со остварувања, кои вообичаено го постигнуваат кандидати на 17–18 години.

„Зборникот на Миладиновци“ – „евангелие“ на македонизмот и јазичен чувар на идентитетот на македонскиот народ веќе 165 години

Еден од најзначајните чувари и своевидни пишани споменици на македонскиот национален, јазичен и културен е делото „Зборник на браќата Миладиновци“, кое е објавено на денешен ден, на 24 јуни 1861 година. Тој ден првите примероци од зборникот ја напуштиле печатницата на во Загреб и им биле испорачани на претплатниците. Во овој Зборник на 538 страници на голем формат се објавени вкупно 660 песни, од кои 584 македонски и 76 бугарски. Покрај 584-те македонски песник, зборникот има и 14 детски игри, неколку народни обичаи од разни места во Македонија, 8 верувања, 16 преданија, извесен број лични имиња, 50 пословици и 104 гатанки. Македонските песни се поделени во групи: самовилски, други стари, црковни, јуначки, жаловни, смешни, љубовни, свадбени, лазарски, жетварски, песни за Водици, за Ѓурѓовден… Сите тие песни потекнуваат од разни краишта на Македонија (Струга, Охрид, Битола, Прилеп, Велес, Дебар, Кукуш, Костур и др.). Овој монументален зборник со своето богатство од песни и традиции е еден од основните и најважни темели на македонското народно творештво. Тој претставува капитално и епохално дело за македонскиот народ. М. Цепенков го чувал дома и го нарекувал „второ вангелие“. Кажано со речникот на Цепенков, „Зборникот на Миладиновци“ е и своевидно „евангелие на македонизмот и на македонскиот идентитет! Оттука и браќата Миладиновци се дел од основните столбови, врз кои се потпираат културното наследство и македонскиот јазик.

Муцунски: Бугарија со дипломатска нота за семејството на Мицкоски – неприфатлив преседан

Министерот за надворешни работи и надворешна трговија, Тимчо Муцунски, изрази сериозна загриженост поради објавувањето на дипломатска нота од Бугарија за престојот на сопругата и малолетниот син на премиерот Христијан Мицкоски во Пампорово.

Конгресот врши притисок врз Трамп: Резолуција за спречување на продолжена војна со Иран

Најголемото значење на гласањето е што за првпат значителен број републиканци јавно се спротивставија на продолжување на конфликтот, што е сигнал дека дури и во неговата партија претседателот Трамп нема неограничена поддршка за натамошна ескалација со Иран.
Сите вести од Македонија

Најнови вести

To top