Бизнис

Азески: Позитивен пресврт во дипломатијата – нашето претставништво во Брисел мора да е точка од која ќе тргнат промените

Ако членството во Унијата ни е целта кон која се движиме, нашето претставништво во центарот на ЕУ мора да биде точката од која ќе тргнат промените. Добро опремено, финансиски поддржано и подготвено за најголемите предизвици – да ја оставиме зад себе уравниловката и со пример да покажеме дека лидерството е врзано со целта и со темелните вредности, а тие, пак, со парите на граѓаните и со нивното добро.

Претседателот на Стопанската комора на Македонија, Бранко Азески, упати јавна пофалба за работата на македонските дипломати во Брисел, оценувајќи дека забележал позитивни промени во функционирањето на дипломатската мрежа и во пристапот кон претставувањето на државата пред европските институции. Азески во својата објава посочи дека низ долгогодишната кариера често соработувал со дипломатијата и дека за Министерството за надворешни работи отсекогаш имал неколку јасни констатации – дека станува збор за професионална институција, дека има суштинска улога во државата и дека е едно од министерствата со најдобра соработка со Стопанската комора.

Сепак, тој посочи дека во минатото забележал и одредени слабости, меѓу кои кадровските решенија, како и недоволната финансиска поддршка за дипломатско-конзуларните претставништва.

  • „Минатата недела во Брисел нешто ми се измести од просечноста и, види чудо, во позитивна насока“, напиша Азески.

Според него, средбите со македонските дипломати во Брисел оставиле позитивен впечаток.

  • „Нашите дипломати кои ме пречекаа во Брисел беа љубезни и професионални. Возниот парк е изненадувачки добар. Просториите на нашата мисија се одлични и локациски и просторно“, наведува Азески.

Тој оценува дека добрите услови и професионалниот пристап придонеле и европските партнери да покажат поголема подготвеност за соработка.

  • „Сето тоа ги мотивираше домаќините, Европската комисија и Економско-социјалниот комитет, и тие беспрекорно и професионално да се вклучат во поддршката за нас“, посочи претседателот на Стопанската комора.

Азески јавно ги издвои лицата за кои смета дека придонесуваат за позитивен пресврт во македонската дипломатија и за трансформација на Министерството за надворешни работи во Министерство за надворешни работи и за надворешна трговија.

  • „Пеце Бошески од Битола, кој од 1971 година е во оваа работа; стружанката Мбареса Истрефи-Исмаили; Ерсин Баки и, за крај, амбасадорот Зулфи Исмаили е тимот кој функционираше како едно“, напиша Азески.

Тој додаде дека во Брисел имало простор не само за професионални обврски, туку и за размена на идеи, мислења и договори за понатамошна соработка. Според Азески, доколку членството во Европската Унија останува стратешка цел на Северна Македонија, токму претставништвото во Брисел треба да биде еден од главните двигатели на промените.

  • „Нашето претставништво во центарот на ЕУ мора да биде точката од која ќе тргнат промените. Добро опремено, финансиски поддржано и подготвено за најголемите предизвици“, порача Азески.

Тој нагласи дека е потребно да се напушти просечноста и да се воспостават стандарди во кои лидерството ќе биде поврзано со јасни цели, темелни вредности и одговорно користење на средствата на граѓаните.

Најнови вести од: Бизнис

Европската бизнис-асоцијација ги поврза студентите со бизнис-приказните – Глобална недела на претприемништвото

Студенти од економските факултети при УКИМ, УГД и ЈИЕУ имаа можност да разговараат со претставници на компании од различни сектори за препознавањето на потребите на пазарот, започнувањето сопствен бизнис и вештините потребни за негов развој.

(Фото): Николоски во Виена повика на регионална соработка и поврзување

Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар.

„Со свои раце, создадено со љубов“: 17. издание на Фестивалот на младо вино на „Тиквеш“ ги обедини луѓето и винската традиција

Фестивалот е и многу повеќе од прослава на младото вино, тој е прослава на луѓето, заедништвото, љубовта и вербата во иднината. Токму тие вредности се во сржта на филозофијата на „Тиквеш“, компанија која ја надградува својата богата традиција со знаење, иновации и современи пристапи, останувајќи посветена на создавањето вина и искуства што ги поврзуваат луѓето.

ЕВН вработува инженери, огласот е отворен до 23 ноември

Заинтересираните кандидати треба да имаат завршено средно електротехничко образование – IV степен, насока енергетика. Дополнителни квалификации за работа под напон, положен стручен испит за ракување со енергетски уреди и постројки, како и познавање компјутерски вештини ќе се сметаат за предност.

To top