На Илинден, празникот што ги поврзува двете најсветли страници на македонската државотворна историја, имав средба со потомците и членовите на семејството на Методија Андонов-Ченто, првиот претседател на Президиумот на АСНОМ – објави претседателката Гордана Сиљановска Давкова на социјалните мрежи.
„Во разговорот не беше присутен само споменот за Ченто, туку и прашањето дали сме достојни продолжувачи на државотворната мисла и дело што ги остави зад себе. Свесна за гордоста со која потомците го чуваат споменот за Методија Андонов-Ченто, се прашувам: Какво наследство ќе им оставиме ние на оние што ќе дојдат по нас. Не случајно, еден од неговите потомци го носи името Методиј. Споменот за Ченто продолжува да живее низ генерациите!“ пишува претседателката.