Ми беше чест да се сретнам и да разговарам со десетте млади волонтери кои преку јавен повик се ангажирани во Народната канцеларија на претседателот во центарот на Скопје, објави претседателката Гордана Сиљановска-Давкова по денешната средба во вилата Водно .
,,Секој од нив има не само импресивно CV, туку и зрачи со уникатна, инспиративна енергија. Разменивме мислења на различни теми, важни за нивните врсници и споделивме идеи за низа проекти.
Верувам дека искуството што ќе го стекнат во соработката со нас, ќе биде вредно не само за нивната лична и професионална надградба, туку и за македонското општество и држава”, објави претседателката која посакува десетте млади волонтери и сите млади од Македонија дома да ја планираат и доживеат иднината.
