Македонија

Јакимовски нема да се врати во затвор, предметот е вратен на повторно одлучување

Јакимовски по лекувањето останува на слобода

1 минута за читање

Дали општинскиот објект е тврда градба или монтажен не утврдиле пониските судови за да можат да донесат пресуда против поранешниот градоначалник на општина Карпош, Стевчо Јакимовски за бесправно градење, е образложението на Врховниот суд. Со одлуката на Врховниот суд Јакимовски излегува од затвор, а предметот се враќа на повторно постапување.

Врховен суд: „Според овој суд, во конкретниот случај не е точно утврден видот на деловниот објект, па врз основа на тоа да се даде одговор дали за поставениот монтажен објект било потребно одобрение за градба кои факти се од значење за утврдување на постоењето на елементите на кривичното дело кое му се става на товар.“

Јакимовски во моментов е на прекин на издржувањето на казната, што му бил одобрен од управата на затворот поради здравствени причини. Со враќањето на предметот на повторно одлучување, надлежниот суд повторно ќе треба да постапува во случајот и да донесе нова одлука.

Во меѓувреме МВР му поднесе нова кривична пријава:

Кривична пријава за поранешниот градоначалник Стевчо Јакимовски за несовесно работење и две службенички од Општина Карпош за злоупотреби

 

Поврзани теми:

нова кривична пријава|Стевчо Јакимовски|топ|pritvor|zatvor|суд|слобода|предуда|лекување

Повеќе на оваа тема:

Најнови вести од: Македонија

Се шират лажни вести за сместувањето во студентските домови, сè е регуларно, рече Јаневска

Транспарентно се објавени ранг-листите за сместувањето во студентските домови и за тие што се примени и за тие кои не ги исполниле условите, тврди министерката Јаневска откако партијата „Левица“ обвини дека се кријат бодовите. Јаневска ги проверила овие информации и е децидна дека тие кои ги нема на списоците, не ги исполнувале условите.

Австриски компании добредојдени во новиот инвестициски циклус во македонската енергетика, вели Божиновска

Македонско-австрискиот бизнис-форум е организиран од Стопанската комора на Македонија и Трговското одделение при Австриската амбасада – Advantage Austria, со цел продлабочување на билатералната економска соработка и поврзување на австриски компании со македонските институции и бизнис-секторот.

Костадиновски: Нема „чувствителни“ предмети за Уставниот суд, кој одлучува со правни аргументи, без политички и етнички влијанија!

Довербата на граѓаните, независноста на судството и отвореноста кон јавноста се клучни за јакнење на улогата на уставните судови, порача претседателот на Уставниот суд Дарко Костадиновски, на регионалната конференција посветена на прашањето како да се зголеми довербата во уставните судови. Конференцијата, која се одржува денеска и утре, 16 и 17 септември, е посветена на независноста, транспарентноста, отвореноста кон јавноста и разбирливоста на судските одлуки.

Манасиевски: За кубење коса 4 години затвор, за 150 ќебапи 3 години, а одговорност нема за „Ласкарци“ и „Модуларна“ со 30 мртви, ниту за „Мазут“!

„Ова се двојните аршини на мал дел од македонското правосудство раководено директно од СДС и ДУИ. За кубење на коса, се добива 4 години затвор.За кражба на 150 ќебапи, се добиваат 3 години затвор. А за случајот Ласкарци, каде загинаа 16 луѓе, за случајот со модуларната болница, каде загинаа 14 луѓе или пак за случајот Мазут, вреден 167 милиони евра, имаме нула години затвор и нула одговорност.“ – реагира портпаролот на ВМРО ДПМНЕ Валентин Манасиевски.
Сите вести од Македонија

Најнови вести

To top