Актуелниот претседател на Европската фудбалска асоцијација (УЕФА), Александар Чеферин (59), денеска на состанокот на организацијата во Берлин ја објави својата кандидатура за уште еден мандат.
Чеферин ја презеде функцијата во 2016 година, откако го наследи Мишел Платини, а потоа беше реизбран во два наврати.
Иако претходно најави дека нема да се кандидира за четврти мандат, тој се предомисли. Како причина ја наведе потребата да се обезбеди стабилност во УЕФА во период кога европската асоцијација решително се спротивставува на начинот на кој Џани Инфантино ја води Меѓународната фудбалска федерација (ФИФА).
Изборниот конгрес на УЕФА е закажан за следната пролет.