Бизнис

Во Косово ја посочуваат Македонија како пример за справување со растот на цените на нафтата

Пратеникот на ЛДК ги споредува цените за литар дизел од 1,86 евра во Косово наспроти 1,55 кај јужниот сосед и неговите мерки

1 минута за читање

Бесијан Мустафа, пратеник од Демократската лига на Косово (ЛДК), во објава на Фејсбук ѝ го дава македонскиот пример на Владата на Албин Курти за начинот на кој може да се излезе на крај со растот на цените на нафтата поради војната на Блискиот Исток.

„Македонија, каде што нафтата чини 1,55 евра, вчера ја намали акцизата за 7 центи, а пред две недели го намали ДДВ-то од 18% на 10%.
Косовската влада не ги намали ниту акцизата ниту ДДВ-то, иако цената е 1,85+.
Не оставајте го Албин сам! Колку се повисоки цените, толку повеќе луѓе гласаат за вас!“, напиша Мустафа како реакција за цената од 1,86 евра за литар дизел во Косово.

Поврзани теми:

нафта|Бесијан Мустафа|ЛДК|избор|Македонија|КОсово

Повеќе на оваа тема:

Најнови вести од: Бизнис

Советот на странски инвеститори ги поздравува владините напори за решавање на проблемот на транспортерите

Советот на странски инвеститори информира дека внимателно ја следи ситуацијата и нагласува колку е значаен овој проблем, кој има директно влијание врз функционирањето на компаниите.

„Фич“: Кредибилните и конзистентни макроекономски политики ја одржуваат стабилноста на денарот

Во извештајот на Агенцијата за кредитен рејтинг „Фич“ се наведува дека девизните резерви, во јануари 2026 година, се зголемиле за речиси 14% на месечно ниво и се доволни за да покријат околу 5,1 месец од обврските за плаќања кон странство. „Фич“ оценува дека нивото на девизните резерви е соодветно за одржување на стабилноста на домашната валута.

УЈП апелира да се користат само нејзините официјални насоки за проектот е-Фактура

УЈП ги повика сите компании кои досега не се вклучиле, а кои развиваат и одржуваат системи за фактурирање, како и компаниите кои користат системи за фактурирање што може да ги надградуваат, веднаш да се вклучат во тестирањето.

(Видео): Рекордна реализација на капиталните инвестиции до сега

Паралелно се работи на сите автопатски делници низ државата, со посебен фокус на проектите што ги реализира конзорциумот „Бехтел и Енка“, дека интензивно напредуваат и железничките проекти со сериозни подготовки за изградба на брзата пруга, додека автопатот Охрид–Кичево конечно се очекува да ја добие својата завршница до крајот на годината.

(Фото): Со изградбата на далноводот Битола-Елбасан се поврзуваме со соседните електроенергетски системи

Електроенергетското поврзување меѓу Македонија и Албанија добива втора шанса. Поставен е камен темелникот на 400 киловолтниот далекувод Битола–Елбасан. Токму со овој проект започнат од 2014 година започна и емисијата Бизнис 21- Истражувањето каде завршија 50 милиони евра за нашето енергетско поврзување со Албанија.

Ќе се јаде скапо јагнешко месо – сточарите го даваат евтино, трговците го продаваат прескапо

Велигденската трпеза и годинава ќе биде сè поскапа. Ниската откупна цена на јагнето нема да ја намали цената на јагнешкото во пресрет на празниците. Одгледувачите на јагниња велат ако не се државните субвенции ќе бидат во загуба.
Сите вести од Бизнис

Најнови вести

To top