Последните вести од судот во Битола укажуваат на ефективен притвор за милијардерот Борче Марковски кој се гони за незаконски дејствија при учество на тендери во гигантот РЕК Битола.
Извори во кривичниот суд во Битола неофицијално тврдат дека судот ја прифатил позицијата на Јавното обвинителство според кое постои опасност за процесот доколку Борче Марковски не биде обезбеден со ефективен притвор.
Сопственикот на фирмата “Марковски компани” кој во последниве години заработи стотици милиони евра од тендери РЕК се очекува да биде за кратко испорачан во ефективен притвор.
Преходно вчера судот во Битола определи домашен притвор за двајца осомничени за кои битолското обвинителство отвори предмет за злоупотреби при јавни набавки во РЕК Битола.
На оваа одлука се жалеше Обвинителството по што судот денеска го испраќа Марковски во затворски притвор.
Обвинителството го гони бизнисменот Марковски, поранешниот директор на РЕК Битола Пеце Матевски и уште неколкумина други поранешни раководители во РЕК за местење тендер вреден 100 милиони денари или 1,6 милиони евра, кој бил платен од државниот буџет.