Во рамките на работната посета на Вашингтон како предводник на македонската делегација на втората сеија од Стратешкиот дијалог САД – Македонија министерот за надвофрешпни работи Тимчо Муцунски се сретна со американскиот заменик-државен секретар Кристофер Ландау.
„Ја реафирмиравме заедничката определба за силно и долгорочно партнерство, засновано на безбедност, слобода и демократски просперитет. Втората сесија на Стратешкиот дијалог претставува важен исчекор во унапредувањето на билатералните односи.
Фокусот го ставивме на конкретни области на соработка – од одбраната и НАТО партнерството, до економијата, енергетиката и регионалната поврзаност, со јасна цел: придобивки за граѓаните на двете земји.
Разменивме мислења и за состојбите во регионот и европската интеграција, при што беше нагласена важноста од континуираниот ангажман на САД како клучен фактор за стабилноста на Западен Балкан“, „рапортира“ Муцунски од Вашингтон.