Македонија

Орце Ѓорѓиевски во Карпош најавува изградба на мегапарк покрај Лепенец

Орце Ѓорѓиевски вели дека визијата за зелено Скопје не застанува само на Лепенец и најавува дека во плановите се вклучени низа капитални парковски проекти низ целиот град

Просторот покрај Лепенец ќе стане симбол на еколошка обнова и современо градско живеење. Мега парк ќе се простира по течението на реката, на потегот меѓу Бардовци и Даме Груев, и ќе опфаќа површина од над 300.000 квадратни метри. Тоа ќе биде првиот мега-парк што ќе поврзе повеќе скопски општини и ќе биде наменет за жителите на Скопје, најави денес од Карпош кандидатот на ВМРО-ДПМНЕ за градоначалник на Скопје, Орце Ѓорѓиевски.

  • „Паралелно со тоа, предвидуваме воспоставување зелени коридори по целата должина на реката Лепенец, со пешачки и велосипедски патеки кои ќе ги поврзуваат населбите, парковите и јавните институции. Овој проект ќе го интегрира Лепенец во животот на градот и ќе го претвори во симбол на урбана поврзаност, чиста животна средина и граѓанска гордост“, рече тој.

Освен тоа, најави зазеленување на секоја скопска општина. Како што наведе, ќе се реализираат повеќе проекти: мега-парк Вардариште, што ќе ја претвори поранешната депонија во европски пример за зелена рекултивација, градска шума „Расадник“ во Кисела Вода, мега-парк долж булеварот „Христијан Тодоровски Карпош“, првиот зелен коридор од ваков обем во Бутел, „Скопски зелен архипелаг“ кој предвидува 50 нови маалски паркови низ сите делови на градот. Воедно, целосно ќе се обнови и Градскиот парк во Скопје и Паркот на природата Гази Баба.

Што се однесува до Карпош, според него, еден од најважните проекти е доизградбата на булеварот „Љубљанска“. Со комплетирањето на делот од завршениот мост до улицата „Скупи“, ќе се воспостави клучна врска меѓу северниот и западниот дел на Скопје. Тоа ќе овозможи подобар пристап до Злокуќани, Бардовци и до индустриската зона, ќе се растовари метежот на булеварите „Партизански одреди“ и „Илинденска“, и ќе се овозможи побрз и побезбеден проток кон обиколницата.

Ѓорѓиевски ја посочи и клучката „Момин поток“, за чие завршување рече дека е повеќе од потребно. Приоритет ќе биде и реконструкцијата на улицата „Загребска“, која е од витално значење за функционирањето на Детската болница „Козле“.

Најнови вести од: Македонија

Стојаноски: Каква трагикомедија! СДС поднесува 225 амандмани за работи, кои Владата на ВМРО-ДПМНЕ ги направила, или ги прави!

СДС поднесува амандмани за Буџетот за 2027 за работи кои Владата на ВМРО-ДПМНЕ ги направила или ги прави, реагира пратеникот од ВМРО-ДПМНЕ Бојан Стојаноски на прес – конференцијата на Оливер Спасовски од СДСМ.

(Фото): „Кој ви даде право да нѐ убивате“ – порака од протестот против насилството и фемицидите во Скопје

Насилникот кој ја претепа девојката во Битола в среда излегува од притвор, кажа денеска мајката на девојката, Бети Ангеловска, на протестот пред зградата на Владата во Скопје, во организација на „Ниту една повеќе“.

Во градинка одат помалку од половина од децата во Македонија на возраст до шест години!

„Иако предучилишното образование е важно за раниот развој на децата, во Македонија помалку од половина од најмладите се опфатени со него. УНИЦЕФ предупредува дека до 2032 година треба да се обезбедат уште 19.000 места во градинките за да се достигне националната цел.“ – објави „Плус инфо“.

Одржливиот туризам во фокусот на глобалната агенда: Турција ја предводеше дискусијата на COP31

Преку активностите во рамките на COP31, Министерството за култура и туризам на Турција и Турската агенција за промоција и развој на туризмот имаат цел дополнително да ја зајакнат меѓународната позиција на земјата како дестинација посветена на одржливиот туризам.

To top